بۇگىن پرالامەنتتىڭ ماقۇلداۋىمەن اسقار مامين پرەمەر-مينيستر بولىپ تاعايىندالدى، دەپ حابارلايدى Qamshy.kz اقپارات اگەنتتىگى.
ايتا كەتەيىك، استانادا ەلباسىنىڭ قاتىسۋىمەن پارلامەنت ءماجىلىسىنىڭ پلەنارلىق وتىرىسى باستالعان ەدى. وتىرىستى اشقان مەملەكەت باسشىسى ۇكىمەتتىڭ حالىق الدىنداعى جاۋاپكەرشىلىگى جايلى ايتتى. ءارى پارلامەنتتىڭ قاراۋىنا پرەمەر-مينيستر لاۋازىمىنا اسقار ماميندى ۇسىنعان. دەپۋتاتتار ءبىراۋىزدان نازاربايەۆتىڭ ۇسىنىسىن ماقۇلدادى. ناتيجەسىندە، ەلباسى ماميندى پرەمەر-مينيسترلىككە تاعايىنداۋ تۋرالى جارلىققا قول قويدى.
اسقار مامين:
- سەلينوگراد ينجەنەرلىك-قۇرىلىس ينستيتۋتىن بىتىرگەن.
- گ.ۆ. پلەحانوۆ اتىنداعى رەسەي ەكونوميكالىق اكادەمياسىن بىتىرگەن. ينجەنەر-قۇرىلىسشى، ەكونوميست.
- ەڭبەك جولىن «سەلينتياجستروي» ترەسىنىڭ قۇراستىرۋشىسى بولىپ باستادى.
- كەيىننەن كاسىپكەرلىكپەن شۇعىلداندى.
- اقمولا ارنايى ەكونوميكالىق ايماعى اكىمشىلىك كەڭەسى ءتوراعاسىنىڭ ورىنباسارى
- استانا قالاسى اكىمىنىڭ ءبىرىنشى ورىنباسارى بولدى.
- قازاقستان رەسپۋبليكاسى كولىك جانە كوممۋنيكاسيا ۆيسە-مينيسترى
- يندۋستريا جانە ساۋدا ءبىرىنشى ۆيسە-مينيسترى
- 2005 جىلى تامىز ايىندا قازاقستان رەسپۋبليكاسى كولىك جانە كوممۋنيكاسيا ءمينيسترى بولىپ تاعايىندالعان.
- 2006 ج. قىركۇيەك ايىنان استانا قالاسىنىڭ اكىمى.
- 2008 ج. ءساۋىر ايىنان „قازاقستان تەمىر جولى“ ۇلتتىق كومپانياسى» اق-نىڭ پرەزيدەنتى بولىپ تاعايىندالدى.
- 2016 ج. قىركۇيەك ايىنان بۇگىنگە دەيىن ق ر پرەمەر-مينيسترىنىڭ ءبىرىنشى ورىنباسارى بولىپ تاعايىندالدى.
ۇسىنعان: گۇلىم جاقان
پىكىر قالدىرۋ