اقش-تا جاساماعان قىلمىسى ءۇشىن 40 جىلداي تۇرمەدە وتىرعان ازاماتقا بيلىك 21 ميلليون دوللار وتەماقى تولەيدى. 1978 جىلى قۇربىسى مەن ءتورت جاسار ۇلىن ءولتىردى دەپ ايىپتالىپ، 2017 جىلعا دەيىن اباقتىدا وتىرعانكرەيگ كوليدىڭ شاعىمىن سوت قاناعاتتاندىرعان. بۇل تۋرالى سيمي-ۆەللي قالاسىنىڭ بيلىگى 24 اقپاندا حابارلادى، دەپ جازادى Qamshy.kz اقپارات اگەنتتىگى ازاتتىق راديوسىنا سىلتەمە جاساپ.

71 جاستاعى كرەيگ كولي تۇرمەدەن 2017 جىلى سول كەزدەگى گۋبەرناتور دجەرري براۋننىڭ راقىمشىلىعىنان سوڭ بوساپ شىققان. گۋبەرناتور سوزىنشە، دنك ىزدەرى مەن ءىستى قايتا قاراۋ كوليدىڭ كىناسىز ەكەنىن دالەلدەگەن.

"قانشا قاراجات بولسا دا، كوليدىڭ وتكەرگەنىن وتەپ بەرە المايدى. بۇل ءىستىڭ وسىلاي شەشىلۋى كوليگە دە، قوعامعا دا دۇرىس" دەپ جازىلعان قالا بيلىگى تاراتقان مالىمدەمەدە.

سيمي-ۆەللي قالاسى كوليگە 4،9 ميلليون دوللار وتەپ بەرەدى. كاليفورنيا شتاتىنىڭ بيلىگى 2018 جىلى كوليگە 2 ميلليون دوللارعا جۋىق وتەماقى تولەۋدى شەشكەن.

كرەيگ كولي ايىپتالىپ، ۇستالعان كەزدە سوتتى بولماعان. تەرگەۋشىلەر بۇل ءىس بويىنشا كۋاگەردىڭ جالعان تۇسىنىك بەرگەنىن انىقتاعان.

ۇسىنعان: نازەركە لابيحان