قازاقستاندا سيفرلىق دامۋ، قورعانىس جانە اەروعارىش ونەركاسىبى مينيسترلىگى قۇرىلدى. ءتيىستى جارلىققا نۇرسۇلتان نازاربايەۆ بۇگىن قول قويدى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.

"قازاقستان رەسپۋبليكاسىنىڭ قورعانىس جانە اەروعارىش ونەركاسىبى مينيسترلىگى، وعان قازاقستان رەسپۋبليكاسىنىڭ اقپارات جانە كوممۋنيكاسيالار مينيسترلىگىنەن بايلانىس، اقپاراتتاندىرۋ، «ەلەكتروندىق ۇكىمەت»، مەملەكەتتىك قىزمەتتەردى كورسەتۋ سالاسىنداعى مەملەكەتتىك ساياساتتى دامىتۋ سالاسىنداعى فۋنكسيالارى مەن وكىلەتتىكتەرى بەرىلە وتىرىپ، قازاقستان رەسپۋبليكاسىنىڭ سيفرلىق دامۋ، قورعانىس جانە اەروعارىش ونەركاسىبى مينيسترلىگىنە قايتا قۇرۋ جولىمەن قايتا ۇيىمداستىرىلسىن"، - دەلىنگەن جارلىقتا.

مەملەكەت باسشىسىنىڭ جارلىعىمەن قورعانىس جانە اەروعارىش ونەركاسىبى مينيسترلىگى سيفرلىق دامۋ، قورعانىس جانە اەروعارىش ونەركاسىبى مينيسترلىگى بولىپ قايتا ۇيىمداستىرىلدى.

وعان اقپارات جانە كوممۋنيكاسيالار مينيسترلىگىنەن بايلانىس، اقپاراتتاندىرۋ، "ەلەكتروندىق ۇكىمەت"، مەملەكەتتىك قىزمەتتەردى كورسەتۋ سالاسىنداعى مەملەكەتتىك ساياساتتى دامىتۋ سالاسىنداعى فۋنكسيالارى مەن وكىلەتتىكتەرى بەرىلدى.

ۇسىنعان: نازەركە لابيحان