بۇگىن ءماجىلىستىڭ الەۋمەتتىك-مادەني دامۋ كوميتەتىنىڭ وتىرىسىندا پرەمەر-مينيستردىڭ ورىنباسارى لاۋازىمىنا گۇلشارا ءابدىقالىقوۆانىڭ كانديداتۋراسى كەلىسىلدى، دەپ حابارلايدى Qamshy.kz اقپارات اگەنتتىگى.
بۇل ماسەلە «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسى كونستيتۋسيالىق زاڭىنىڭ 22-1-بابىنا سايكەس كوميتەت وتىرىسىندا قارالدى.
قازاقستان پرەمەر-مينيسترىنىڭ اتىنان كانديداتۋرانى پرەمەر-مينيستر كەڭسەسىنىڭ باسشىسى نۇرلان الدابەرگەنوۆ تانىستىرىپ، گ. ءابدىقالىقوۆانىڭ مول تاجىريبەسى مەن جوعارى كاسىبيلىگىن اتاپ ءوتتى.
تالقىلاۋدان كەيىن ءابدىقالىقوۆا گۇلشارا ناۋشا قىزىنىڭ كانديداتۋراسىن قازاقستان رەسپۋبليكاسى پرەمەر-مينيسترىنىڭ ورىنباسارى لاۋازىمىنا تاعايىنداۋ ءۇشىن ۇسىنۋعا بولادى دەپ ەسەپتەيدى.
وتىرىس سوڭىندا دەپۋتاتتار كانديداتتىڭ الداعى جۇمىسىنا ساتتىلىك تىلەدى.
پىكىر قالدىرۋ