ءمۇعالىمنىڭ ايلىعى كەمىندە 300 مىڭ تەڭگە بولۋى كەرەك. مۇنداي پىكىردى كەشە  ءبىلىم جانە عىلىم قىزمەتكەرلەرى كاسىپوداعى ءتوراعاسىنىڭ ورىنباسارى ايگۇل مۇقاشيەۆا ايتتى، دەپ جازادى Qamshy.kz اقپارات اگەنتتىگى.

مۇقاشيەۆا ءتىپتى "مۇعالىمدەردىڭ ايلىعىن قالاي وسىرسە بولادى؟" دەگەن سۇراققا دا جاۋاپ ىزدەپ كورىپتى. 

 «پەداگوگتاردىڭ ايلىق اقىسىن ەسەپتەۋ ءۇشىن پايدالانىلاتىن بازالىق ينديكاتور - بازالىق لاۋازىمدىق جالاقىنى (بلج) كۇنكورىس مينيمۋمىنا اۋىستىرۋدى ۇسىنامىز. ەگەر مۇنداي وزگەرىس ەنگىزىلەتىن بولسا، ءبىزدىڭ پەداگوگتاردىڭ ايلىعى ەكى ەسەگە ارتاتىن ەدى»، - دەيدى ايگۇل مۇقاشيەۆا قازاقستاندىق ءبىلىم جانە عىلىم قىزمەتكەرلەرى كاسىپوداعىنىڭ ۇيىمداستىرۋىمەن استانادا وتكەن دوڭگەلەك ۇستەلدە.

بۇگىنگى تاڭدا مۇعالىمدەردىڭ ەڭبەكاقىسى ورتاشا ەسەپپەن 102 مىڭ تەڭگە.

«ءبىزدىڭ ويىمىزشا، ءبىزدىڭ مۇعالىمدەردىڭ ايلىعى 300 مىڭ تەڭگەدەن كەم بولماۋى كەرەك. ەگەر وسىلاي ەتە الساق، ءمۇعالىم ماماندىعىنا جاستار بارار ەدى. سەبەبى، قازىرگى ۋاقىتتا ءمۇعالىمنىڭ ايلىعى از بولعاندىقتان، جاس بۋىننىڭ مەكتەپكە جۇمىسقا بارعىسى كەلمەيتىنى ەشكىمگە قۇپيا ەمەس. ال بىزگە مەكتەپتە ءدال ءقازىر كرەاتيۆتى باعدارلامالارمەن جۇمىس ىستەي الاتىن ويلى جاستار كەرەك. ەگەر مۇعالىمگە جاقسى ايلىق بەرە بىلسەك، ول بارىن سالىپ، جانىن سالىپ جۇمىس اتقاراتىن بولادى. ءبىراق، ءقازىردىڭ وزىندە تومەن ايلىققا قاراماستان، ءبىزدىڭ مۇعالىمدەر وتە جاقسى ناتيجەمەن جۇمىس اتقارۋدا»، - دەيدى ول.

ۇسىنعان: گۇلىم جاقان