بۇگىنگى «نۇر وتان» پارتياسىنىڭ 20-جىلدىق مەرەيتويى قارساڭىندا وتكەن كەڭەستە ەلباسى حالىقتىڭ كوكەيىندە جۇرگەن وزەكتى ماسەلەلەردى كوتەرىپ وتىر. ونىڭ ىشىندە الەۋمەتتىك سالانى جەتىلدىرۋ ءۇشىن مەملەكەتتىك بيۋدجەتتىڭ 40%ء-ىن ءبولۋ، بۇل تاريحتا بولماعان جاعداي.

سونىمەن قاتار، كوپبالالى انالارعا قولداۋ كورسەتۋ – ۇلت بولاشاعىنا جاسالعان باتىل شەشىم. انا مەن بالاعا قولداۋ كورسەتىلسە، كوڭىل بولىنسە تاربيەلى، ءبىلىمدى ۇرپاق وسەدى.

جانە كوپتەگەن ماسەلەنىڭ شەشىمى بيۋدجەت سالاسىنداعى قىزمەتكەرلەردىڭ ايلىعىن 30%-كە كوتەرۋدەن كورىنىس تاپپاق. ويتكەنى بيۋدجەت سالاسىنىڭ قىزمەتكەرلەرى قارجى تاپشىلىعىن كورمەسە، جالپى قوعامداعى سىبايلاس جەمقورلىقتىڭ ازايۋىنا اسەرى بولادى دەپ سەنەمىن. سەبەبى، ءبىلىم بەرۋ، دەنساۋلىق ساقتاۋ، قۇقىق قورعاۋ سەكىلدى بيۋدجەتتىك سالالالار قوعامنىڭ دامۋىنا ىقپال ەتەتىن ەرەكشە سالالار.

وسىنداي ناقتى شەشىمدەردى حالىق كۇتىپ وتىر. سوندىقتان، «نۇر وتان» پارتياسىنىڭ 20 جىلدىعىندا جاسالعان مۇنداي وڭ شەشىمدەرگە مەن قۋانىشتىمىن. ەندىگىدە وسى تاپسىرمالاردىڭ دۇرىس ورىندالۋىنا بارلىعىمىز بىردەي اتسالىسۋىمىز قاجەت.

سماعۇل ەلۋباي