الماتى وبلىسىنىڭ 200-دەن استام فەرمەرى  «ءىىى اۋىلشارۋاشىلىق جارمەڭكەسىنە» قاتىستى. «اۋىلدىق ايماقتاردى دامىتۋ» باعدارلاماسى اياسىندا ۇيىمداستىرىلعان ءىس-شارادا فەرمەرلەر تىڭايتقىشتاردى، وسىمدىكتەردى قورعاۋ قۇرالدارىن، وتاندىق جانە شەتەلدىك ءوندىرىس تۇقىمدارىن جانە اۋىل شارۋاشىلىعى ماتەريالدارىن ارزانداتىلعان باعامەن الۋعا مۇمكىندىك الدى، بۇل ولارعا ءوز شىعىندارىن ەداۋىر قىسقارتۋعا مۇمكىندىك بەرەدى. جارمەڭكەگە الماتى وبلىسىنىڭ اۋىل شارۋاشىلىعى باسقارماسى، الماتى وبلىسىنىڭ «اتامەكەن» ق ر ۇلتتىق كاسىپكەرلەر پالاتاسى (ۇكپ)، ەڭبەكشىقازاق اۋدانىنىڭ جانە شەلەك اۋىلدىق وكرۋگىنىڭ اكىمدىكتەرى رەسمي تۇردە قولداۋ كورسەتتى.

«ءوزىنىڭ قازان ايىنداعى قازاقستان حالقىنا جولداۋىندا ەلباسى اگروونەركاسىپتىك كەشەننىڭ الەۋەتىن تولىعىمەن ىسكە اسىرۋ قاجەت ەكەندىگىن اتاپ كورسەتكەن. نۇرسۇلتان نازاربايەۆتىڭ تاپسىرماسىنا سايكەس، بارلىق مەملەكەتتىك قولداۋ شارالارىن ەلگە زاماناۋي اگروتەحنولوگيالاردى اۋقىمدى تارتۋعا باعىتتاۋ قاجەت. بۇگىنگى كۇندە وسى تەحنولوگيالار ءبىزدىڭ وبلىسقا دا جەتىپ وتىر، ەگىن القاپتارى سيفرلىق نىسانعا كوشىرىلۋدە، جاردەم قاراجات بەرۋ ۇدەرىسى اۆتوماتتاندىرىلىپ، اۋىل كاسىپكەرلەرى شارۋاشىلىقتى جۇرگىزۋدىڭ جاڭا داعدىلارىنا وقىتىلۋدا. بۇگىنگى جارمەڭكە ءبىزدىڭ ايماقتىڭ اۋىلشارۋاشىلىق وندىرۋشىلەرى اراسىندا تاجىريبە جانە وزىق پراكتيكامەن الماسۋدىڭ تاعى ءبىر مۇمكىندىگى بولماق»، - دەپ اتاپ ءوتتى الماتى وبلىسىنىڭ اۋىل شارۋاشىلىعى باسقارماسى باسشىسىنىڭ ورىنباسارى كويۋمچان وماروۆ.

فەرمەرلەر اۋىل شارۋاشىلىعىن ساندىق جۇيەگە كوشىرۋ جانە سۋبسيديالاۋ بويىنشا بيزنەس-ۇدەرىستەردى اۆتوماتتاندىرۋ تۋرالى ءبىلدى. 2018 جىلدان باستاپ ءوتىنىم بەرۋ جانە سۋبسيديا الۋ پروسەسى تولىعىمەن اۆتوماتتاندىرىلعان، بۇل سىبايلاس جەمقورلىق تاۋەكەلدەرىن تومەندەتەدى، پروسەستى اشىق ەتەدى جانە قاراۋ مەن شەشىم قابىلداۋ ۋاقىتىن ۇنەمدەيدى. ەگەر بۇرىن ءوتىنىم بەرۋدەن باستاپ سۋبسيديا بەرۋ تۋرالى شەشىمگە دەيىنگى پروسەسس ءبىر ايعا سوزىلسا، ەندى ول ءۇش كۇنگە دەيىن قىسقاردى.

الماتى وبلىسى اكىمدىگى مەن «اتامەكەن» ۇكپ وكىلدەرى فەرمەرلەرگە سۋبسيديالاردى قالاي الۋ كەرەكتىگىن جانە ولارعا مەملەكەتتىڭ قولداۋى قانداي پايدا اكەلەتىنىن ءتۇسىندىردى. اتاپ ايتقاندا، اعىمداعى جىلدىڭ 1 قاڭتارىنان باستاپ ساتىپ الۋ نورمالارى بويىنشا تاڭداۋلى تۇقىمدار مەن 1 رەپرودۋكسيا تۇقىمدارىن سۋبسيديالاۋدى ەسكەرەتىن تۇقىم ءوسىرۋ شارۋاشىلىعىندا جاردەم قاراجات بەرۋدىڭ جاڭا ءتاسىمى ەنگىزىلگەن. بۇل رەتتە تۇقىمدار اۋىلشارۋاشىلىق ونىمدەرىن وندىرۋشىگە باستاپقى جارناسىز تولەمنىڭ كۇزگە دەيىن قالدىرىلۋىمەن بەرىلەدى، ال ولاردىڭ شىعىستارى وبلىس اكىمدىگىمەن 100%-عا وتەلەدى. كۇزدە، ەگىن جينالعاننان كەيىن، اۋىلشارۋاشىلىق ونىمدەرىن ءوندىرۋشى مامانداندىرىلعان ۇيىمعا نورما بويىنشا تاڭداۋلى تۇقىمدار نەمەسە 1 رەپرودۋكسيا تۇقىمدار قۇنىنىڭ 30%-ىن قايتارادى.

 «بيىل جارمەڭكەگە وتكەن جىلعا قاراعاندا ەكى ەسە كوپ فەرمەر قاتىسۋدا، بۇل ءوزىن الداعى كوكتەمگى ەگىس ماۋسىمىن جوسپارلاۋ وتەتىن الاڭ رەتىندە الدەقاشان تانىتقان ءىس-شارانىڭ ءوسىپ كەلە جاتقان تانىمالدىلىعىن كورسەتەدى. جارمەڭكەنىڭ ارقاسىندا، فەرمەرلەردىڭ ونىمدەردى جەتكىزۋشىلەردەن تىكەلەي الۋ مۇمكىندىگى پايدا بولدى، بۇل ولاردىڭ شىعىندارىن ايتارلىقتاي ازايتادى. سونىمەن قاتار، ءقازىر ولاردىڭ جىل بويى شەلەك اۋىلىنداعى اگروبيزنەس ورتالىعى بازاسىندا اشىلعان «اگرودۇكەندە» ساتىپ الۋ مۇمكىندىگى بار، وندا فەرمەرلەر اۋىل شارۋاشىلىعىن جۇرگىزۋ ءۇشىن بارلىق قاجەتتى تاۋارلاردى ەڭ تومەن باعامەن ساتىپ الا الادى. ول ءبىزدىڭ باعدارلاما شەڭبەرىندە بيزنەستىڭ قولداۋى ارقاسىندا اشىلدى. جانە ءبىز ءبىزدىڭ قور بىرلەسە اۋىلداعى ءومىردى جاقسارتۋعا جاردەمدەسەتىن جانە ايماق فەرمەرلەرىنە ءوسۋ جانە دامۋ ءۇشىن جاڭا مۇمكىندىكتەردى ۇسىناتىن وسى جوبانى ىسكە اسىراتىن «فيليپ مورريس قازاقستان» كومپانياسىنا وتە ريزامىز»، - اتاپ ءوتتى باقىتگۇل ەلشىبايەۆا، ەڭبەكشىقازاق اۋداندىق جەرگىلىكتى قاۋىمداستىقتار قورىنىڭ ديرەكتورى.