قازاقتا ۇيلەنەتىن جىگىتكە اتا-اناسى كوبىنە «تەكتى اۋلەتتىڭ قىزى كەرەك» دەپ ايتىپ جاتادى. مۇنداعى ماقساتتارى – اتا-انا ارتىنان ەرگەن ۇرپاقتىڭ سانالى بولۋىن كوزدەيدى. بالانىڭ دانا، نە كەرىسىنشە بولۋىن تىكەلەي اناسىنا بايلانىستىرادى. ال بۇعان مەديسينا قالاي جاۋاپ بەرەدى؟ اتا-اناسىنىڭ بويىنداعى ەرەكشەلىكتەر بالاعا تۇقىم ارقىلى بەرىلە مە؟ وتباسىن قۇرماس بۇرىن ەرلى-زايىپتىلار نەنى ويلانۋى ءتيىس؟ Qamshy.kz اقپارات اگەنتتىگى وسى ورايدا گەنەتيكا جايلى تومەندەگىدەي دەرەكتەردى جيناستىرىپ كوردى.

• گەنەتيكالىق اۋىتقۋشىلىقتار ءبىر وتباسىنداعى بارلىق بالاعا بەرىلەدى

بۇل جالعان. ەرلى - زايىپتىلاردىڭ ءبىر بالاسى گەنەتيكالىق اۋرۋمەن دۇنيەگە كەلگەنىمەن، كەلەسى بالاسىنىڭ ساۋ بولىپ تۋۋىنا مۇمكىندىك جوعارى. الايدا مۇندايدا گەنەتيك ماماندارىمەن اقىلداسۋ وتە ماڭىزدى. دارىگەر بالانىڭ دامۋىنا قاتىستى ناقتى بولجامداردى ايتىپ بەرە الادى.

• ەگەر اتا-انانىڭ ءبىرىنىڭ گەنەتيكالىق اۋرۋى بولسا، بالاسى دا اۋىتقۋشىلىقپەن دۇنيەگە كەلەدى

بۇل دا اقىلعا قونىمسىز دەرەك. ءيا، ءقاۋىپ باسىم، الايدا دەنى ساۋ بالانى دۇنيەگە اكەلۋدىڭ مۇمكىندىگى باسىم. البەتتە گەنەتيك-دارىگەردىڭ كەڭەسى كەرەك.

• تۇقىم ارقىلى ونكولوگيالىق اۋرۋلار بەرىلەدى

بۇل – راس. ەگەر جەكە ادام قاتەرلى ىسىككە شالدىقسا، وتباسىلىق انامنەز دەگەن قاتەر دە قاتار جۇرەدى.

• بالاعا ينتەللەكت اناسى ارقىلى بەرىلەدى

ءدال سولاي. «اقىلعا جاۋاپ بەرەتىن» گەندەر ح-حروموسوماسىمەن بايلانىستى. ال ايەل ادامداردا ونداي حروموسومالاردان ەكەۋ، ال اكەلەردە بىرەۋ بولادى. سول سەبەپتى، ينتەللەكتىنىڭ اناسىنان بەرىلۋ مۇمكىندىگى زور.

• اتا-انانىڭ ءتۇرلى قىلىعى، قالاۋى مەن تەمپەرامەنتى بالاعا بەرىلەدى

–راس. بۇلاردىڭ ءبارى اعزاداعى اقۋىزبەن بايلانىستى. سوندىقتان بالانى تاربيەلەردە وتباسىلىق داستۇرلەرگە اسا ءمان بەرگەن ءجون. قازاقتا «بالانى قۇرساعىنان تاربيەلەۋ كەرەك. تۋعاندا كەش بولادى» دەگەن ءسوز بار. راسىندا، بىرىنشىدەن، اتا-انا ءوز قىلىقتارىنا جاۋاپ بەرۋى ءتيىس.

• قارا شاشتى، قارا كوزدى اتا-انادان اشىق ءتۇستى كوزدى ءارى شاشتى بالا تۋمايدى

جالعان. اكەسى مەن اناسىنىڭ شاشى مەن كوزى قارا بولا تۇرا، جاقىن تۋىستارىندا اشىق ءتۇستى كوز نەمەسە شاش بولسا، دۇنيەگە كەلەتىن بالانىڭ دا كوزى مەن شاشى اشىق بولۋى ابدەن مۇمكىن.

• ەگەر اتا-انانىڭ ءبىرىنىڭ سىرت كەلبەتىندە ەرەكشەلىك بولسا (ۇلەن قال نەمەسە قيسايعان ساۋساق)  بولسا، بالاعا بەرىلەدى

جالعان. ادامنىڭ سىرت كەلبەتىندەگى ەرەكشەلىك ۇلكەن مولشەردەگى گەندەردىڭ ناتيجەسى. سوندىقتان بالاعا بەرىلۋ مۇمكىندىگى تومەن.

• ءتۇرلى ۇلتتاردىڭ نەكەلەسۋىنەن تۋعان بالادا گەنەتيكالىق اۋرۋلار بولادى

جالعان. كەرىسىنشە، اناسى مەن اكەسى ەكى ءتۇرلى ۇلتتان بولعان بالانىڭ دەنى ساۋ بولىپ تۋادى. سەبەبى ءار ءتۇرلى ۇلت ءار ءتۇرلى گەندەر جيىنتىعىنا يە.

• ەرلى-زايىپتىلاردىڭ سىرت كەلبەتىنە قاراپ بالالاردا بولۋى مۇمكىن گەنەتيكالىق اۋرۋلاردى باعالاۋعا بولادى

جالعان. كەيدە ادامنىڭ كوزىنىڭ اينالاسى كوگەرگەندە نەمەسە بەتىنە ءتۇرلى داق شىققاندا ىشكى قۇرىلىسى اۋىراتىنىن بايقاۋعا بولادى. الايدا مۇنداي پروسەسس انا قۇرساعىنداعى بالاعا بەرىلمەيدى.

• ەكو ارقىلى دۇنيەگە كەلگەن بالالار گەنەتيكالىق تۇرعىدان دۇرىس دامىماعاندار

جالعان. ەكو ارقىلى ساۋ ءسابيدى دۇنيەگە اكەلۋگە بولادى. بۇعان قاتىستى مەديسينالىق زەرتتەۋلەر جاسالدى. الايدا، ماماندار ەكو ارقىلى دۇنيەگە كەلگەن بالالاردا تابيعي جولمەن دۇنيەگە كەلگەن بالالارعا قاراعاندا انومالياسى جوعارى ەكەنىن ايتادى. ءبىراق وعان ەكو-نىڭ قاتىسى جوق، بۇل اتا-انالاردىڭ گەنەتيكالىق انومالياسىنا بايلانىستى. سەبەبى، ەكو-نى كەز كەلگەن اتا-انا ەمەس، بالالى بولا المايتىن اتا-انالار جاسايدى.

دايىنداعان: گۇلىم جاقان