بۇگىنگى تاڭدا مەملەكەتىمىز قازاقستاندىق كاسىپكەرلەردىڭ مۇددەلەرىن سىرتقى نارىقتاردا بەلسەندى تۇردە دامىتۋدى كوزدەپ وتىر. وسىعان وراي، جوسپارلى تۇردە كورشىلەس ەلدەرمەن ساۋدا قاتىناسىن جىل سايىن ارتتىرىپ كەلەدى.  قازاقستان ەكسپورتىنىڭ ايتارلىقتاي ۇلكەن ۇلەسىن بۇگىندە رەسەي نارىعى قۇراپ وتىر. باستى سەبەپ، ەكى ەلدىڭ اراداعى دوستىق قاتىناسىنان بولەك، گەوگرافيالىق ورنالاسۋى مەن تۇتىنۋشىلار تالعامىنىڭ سايكەستىگى. سونىمەن قاتار، ەكى ەلدىڭ كەدەندىك وداق اياسىنداعى كوپتەگەن جەڭىلدەتىلگەن پروسەدۋرالارى دا ۇلەسىن تيگىزۋدە.

قازىرگى ۋاقىتتا رەسەي فەدەراسياسىنداعى ەكسپورتتاۋشىلار سانى 1،232 كومپانيانى قۇراسا، قازاقستان مەن رەسەيدىڭ بىرلەسىپ تىركەلگەن كاسىپورىندار سانى 14 مىڭعا جۋىق. سونىمەن قاتار، رەسەي مەملەكەتى قازاقستانداعى تاۋار اينالىمىنىڭ الدىڭعى ورىنىندا (15 988.1 ميلليون اقش دوللارى) تۇر.

وسىعان وراي، قازاقستاننىڭ سىرتقى ساۋدا پالاتاسى كاسىپكەرلەردى چەليابينسك قالاسىندا وتەتىن ساۋدا-ەكونوميكالىق ميسسياعا قاتىسۋعا شاقىرادى.

شارا بيىلعى جىلدىڭ 27-28 ناۋرىزىنا جوسپارلانىپ وتىر.

مۇنداي ساۋدا-ساتتىق ميسسيا ەكى ەل اراسىندا وسىمەن ەكىنشى رەت وتكىزىلگەلى وتىر. بۇل – ەكى ەل اراسىنداعى ىنتىماقتاستىق پەن نىعايعان ىسكەرلىك قاتىناستىڭ بىردەن ءبىر دالەلى.

ءىس-شارانىڭ نەگىزگى ماقساتى – تىكەلەي قارىم-قاتىناستاردى رەتتەۋ، قازاقستاندىق كاسىپورىندار مەن ىقتيمال ساتىپ الۋشىلار اراسىنداعى ساۋدا قاتىناستارىن جانداندىرۋ جانە ەكىجاقتى كەزدەسۋلەر وتكىزۋ.

قاتىسۋ ءۇشىن كەلەسى تىركەۋ فورماسىن تولتىرۋ قاجەت:https://docs.google.com/a/atameken.kz/forms/d/1YtSVALtpgZVr82cTYKnk2MjgUKg3jnN1zxDzBABwlls/edit؟usp=forms_home&ths=true

قوسىمشا سۇراقتار بويىنشا: +7(7172) 279 054 (ىشكى نومەر 201) ابدراحمانوۆ اباي، e-mail: ab.abdrakhmanov@atameken.kz