ءبىلىم جانە عىلىم ءمينيسترى كۇلاش ءشامشيدينوۆا ۇكىمەتتىڭ بۇگىنگى وتىرىسىندا ورتا ءبىلىمنىڭ رەفورماسى تۋرالى ايتتى دەپ xابارلايدى Qamshy.kz اقپارات اگەنتتىگى. 

ءمينيستردىڭ ايتۋىنشا، 2019-2021 جىلدارى ارالىعىندا مەكتەپ، كوللەدج بەن جوعارى وقۋ ورىندارىنىڭ 240 مىڭنان استام پەداگوگتارى قايتا دايارلاۋ كۋرستارىنان وتەدى.

«2020 جىلدان باستاپ اعىلشىن ءتىلىن وقىتۋعا ارنالعان كۋرستارعا قاراستىرىلعان قارجى جوعارى وقۋ ورىندارىندا وسى تىلدە ساباق بەرەتىن مۇعالىمدەردى دايىنداۋعا جۇمسالاتىن بولادى. وسى جىلدان باستاپ مەكتەپتەرگە ءتىل مەڭگەرگەن جوعارى وقۋ ورىندارىنىڭ تۇلەكتەرى كەلە باستايدى. پاندەردى اعىلشىن تىلىندە وقىتۋدى كەزەڭ-كەزەڭىمەن كادرلاردىڭ دايىندىعىنا قاراي بىرتىندەپ ەنگىزۋ جوسپارلانىپ وتىر»، - دەدى ك.ءشامشيدينوۆا ۇكىمەتتىڭ بۇگىنگى وتىرىسىندا. 

ايتا كەتەيىك، بۇگىنگى وتىرىستا ك.ءشامشيدينوۆا پرەزيدەنت تاپسىرماسى اياسىندا قاي قىزمەتكەرلەردىڭ جالاقىسى كوتەرىلەتىنىن ايتتى. 

«ءبىلىم بەرۋ سالاسىنداعى جالاقىسى تومەن قىزمەتكەرلەردىڭ ەڭبەكاقىسىن ۇلعايتۋ ديففەرەنسيالدى تۇردە 30 پروسەنتكە دەيىن جۇزەگە اساتىن بولادى. ءبىلىم سالاسىندا 500 مىڭعا تارتا ادامنىڭ جالاقىسى وسەدى دەپ كۇتىلۋدە. ولاردىڭ قاتارىندا مەكتەپكە دەيىنگى ۇيىمدار مەن ينتەرناتتاردىڭ تاربيەشىلەرى، ولاردىڭ كومەكشىلەرى، مەتوديستەر، الەۋمەتتىك پەداگوگتار، بالاباقشا مەن كوللەدج پسيxولوگتارى، قوسىمشا ءبىلىم بەرۋ ۇيىمدارىنىڭ قىزمەتكەرلەرى، كىتاپxاناشىلار، ۆوجاتىيلار، بۋxگالتەرلەر، ءىس جۇرگىزۋشىلەر، ەدەن جۋۋشىلار، كۇزەتشىلەر، وت جاعۋشىلار، سانتەxنيكتەر مەن ەلەكتريكتەر سياقتى باسقا دا تەxنيكالىق قىزمەتكەرلەر بار"، - دەدى مينيستر.

ۇسىنعان: ماقپال سەمباي