قازاقستان الداعى ۋاقىتتا اۋعانستانداعى ينۆەستيسيالىق جوبالارعا قاتىسۋعا نيەت ءبىلدىرىپ وتىر، دەپ حابارلايدى Qamshy.kz اقپارات اگەنتتىگى kaztag.kz سايتىنىڭ دەرەگىنە سۇيەنىپ.

قازاقستان اۋعانستانعا ەكسپورتتى ۇلعايتۋدى جانە سول ەلدەگى ينۆەستيسيالىق جوبالارعا قاتىسۋدى جوسپارلاپ وتىر. بۇل جايىندا ماجىلىستەگى ۇكىمەت ساعاتىندا ق ر يندۋستريا جانە ينفراقۇرىلىم ۆيسە-مينيسترى تيمۋر توقتابايەۆ مالىمدەدى.

«قازىردە 520 ميلليون دوللارعا باعالانعان شيكىزات ونىمدەرى اۋعانستانعا ەكسپورتتالدى، الايدا بۇل پروسەس 4 پوزيسيا بويىنشا جۇزەگە اسىرىلدى – بيداي، ۇن، جالعا بەرۋ، زىعىر تۇقىمدارى مەن تابيعي گاز. سونىمەن قاتار، ءبىزدىڭ ەكسپورتىمىزدىڭ تاعى 24 تاۋارلىق پوتەنسيالى بار»، - دەپ ايتتى تيمۋر توقتابايەۆ.

ونىڭ ايتۋىنشا، بۇل ىسكە قاتىستى جۇمىستار باستالىپ كەتكەن، سونداي-اق ءبىزدىڭ شەكارالاس كورشىلەرىمىز – وزبەكستان، تۇرىكمەنستان جانە اۋعانستاننىڭ ءوزىنىڭ كومەگىمەن بىرلەسىپ جۇمىس جاسالۋدا.

ۆيسە-مينيستر باستى ماسەلە – وزبەكستان مەن تۇرىكمەنستان شەكاراسىنداعى تەرمينالداردىڭ جۇكتەلۋى ەكەندىگىن ايتىپ وتىر.

«جاڭا تەرمينالداردىڭ قۇرىلىسى ءبىرىنشى كەزەڭدە ورىنسىز دەپ تانىلعان ەدى، ال ەكىنشى كەزەڭدە جاڭا قۇرىلىس جۇمىستارىن جۇرگىزۋ جوسپارلانۋدا»، - دەپ ايتتى ۆيسە-مينيستر.

سونداي-اق، تيمۋر توقتابايەۆ اۋعانستان شەكاراسىندا دا جاڭا جۇك تەرمينالدارى قۇرىلىسىن باستاۋ جوسپاردا بار ەكەندىگىن ايتىپ ءوتتى.

ۇسىنعان: نازەركە لابيحان