ق ر ءبىلىم جانە عىلىم ەكس-مينيسترى ەرلان ساعادييەۆ الداعى جوسپارلارمەن ءبولىستى دەپ حابارلايدى Qamshy.kz اقپارات اگەنتتىگى Tengrinews.kz سايتىنىڭ دەرەگىنە سۇيەنىپ.

–ەڭ الدىمەن ماعان سەنىم بىلدىرگەنى ءۇشىن ەلباسىنا العىسىمدى بىلدىرەمىن. ءۇش جىلدىڭ ىشىندە ءبىرشاما وزگەرسىتەر بولدى. كوپتەگەن ىستەر جاسالدى. جۋىردا ءبىر ماقالادان وقىعانىم: ىستەلگەن نەمەسە ىستەلمەگەن ماسەلەلەرگە لايىقتى تۇردە باعا بەر دەيدى. مەن وسى ءۇش جىل ارالىعىندا وزىممەن بىرگە جۇمىس اتقارعان ارىپتەستەرىمە، سونىمەن قاتار، ءماجىلىس پەن سەنات قىزمەتكەرلەرىنە تۇسىنىستىك پەن قولداۋ كورسەتكەنى ءۇشىن العىسىمدى بىلدىرگىم كەلەدى. ءبىلىم جۇيەسى بۇل ەلىمىزدىڭ بولاشاعىنىڭ قانداي بولارىن كورسەتەدى - دەپ مالىمدەدى ەرلان ساعادييەۆ.

ەستەرىڭىزگە سالا كەتسەك، ەكس-مينيستر 1 ماۋسىمدا رەسپۋبليكادا ءوتىپ جاتقان بالالار وركەستىرىنىڭ شەرۋىن اتاپ وتكەن بولاتىن.

«وتكەن جىلى ءبىزدىڭ بالالارىمىزدىڭ قاتىسۋىمەن ماقتان تۇتاتىنداي رۋحتى، كەرەمەت ءارى قىزىقتى شەرۋ ءوتتى مۇنىڭ بارلىعى – بالالاردىڭ بولاشاعى ءۇشىن جاسالىپ جاتقان ىس-ارەكەتتەر»، - دەدى ساعادييەۆ.

سونىمەن قاتار، ەكس-مينيستر اتالمىش بالالار وركەستىرىنىڭ بولاشاقتا ودان ءارى دامي تۇسەتىندىگىنە سەنىم ءبىلدىردى.

ال جاڭادان ءبىلىم جانە عىلىم ءمينيسترى اتانعان كۇلاش شامشيدينوۆاعا ەرلان ساعادييەۆ «اقىلدى، تاجىريبەسى مول ءارى تابىستى ەڭبەك ەتەدى» دەپ باعا بەردى.

«ءبىلىم بەرۋ جۇيەسىندە ول مەنەن دە جوعارى ناتيجە بەرە الادى دەپ سەنەمىن. ونىڭ باستاۋى رەتىندە بۇگىنگى تاڭدا ەلىمىزدەگى  مەكتەپتەردىڭ پروتاتيپىنە اينالعان نازاربايەۆ اتىنداعى ينتەللەكتۋالدىق مەكتەپ تۇر. ەگەر قاجەت بولعان جاعدايدا مەن كومەكتەسۋگە ءاردايىم دايىنمىن، دەگەنمەن قازىرگى ءبىلىم جانە عىلىم مينيسترلىگىنىڭ ۇجىمى وتە ەڭبەكقور جانە كەرەمەت يدەيا مەن ۇستانىمدارمەن جۇمىس ىستەي الادى دەپ ويلايمىن» - دەپ سەنىم ءبىلدىردى.

«ال مەن الداعى ۋاقىتتا ءوزىمنىڭ جەكە جۇمىستارىممەن اينالىسپاقپىن. 2020 جىلدىڭ قاڭتار ايىنان باستاپ مەنىڭ گارۆاردتاعى بىتپەي قالعان وقۋىم قايتا جالعاسىن تاپپاقشى. ال، ول ۋاقىتقا دەيىن ءۇي شارۋاشىلىعى مەن مەكتەپتە وقيتىن بالالارىمنىڭ بولاشاعىنا كوبىرەك كوڭىل بولۋمەن اينالىسامىن»، - دەپ ەكس-مينيستر ەرلان ساعادييەۆ الداعى جوسپارلارىمەن سۇحباتىن قورىتىندىلادى.

اۋدارعان: فاريزا جاندار