1 جىلدا از قامتىلعان وتباسىلاردىڭ 50 پايىزى باسپاناعا يە بولادى. بۇل جايىندا سقو اكىمى قۇمار اقساقالوۆ وبلىستىق اكىمدىكتىڭ وتىرىسىندا مالىمدەدى دەپ حابارلايدى Qamshy.kz اقپارات اگەنتتىگى سقو اكىمدىگىنىڭ باسپا ءسوز قىزمەتىنە سىلتەمە جاساپ.

كۇن تارتىبىندە - «نۇر وتان» سەزىندە نۇرسۇلتان نازاربايەۆتىڭ بەرگەن تاپسىرمالارىن ورىنداۋ. 

ەلباسى مەملەكەت الەۋمەتتىك ساياساتتى كۇشەيتە تۇسەتىنىن ايتتى. كوپ بالالى جانە از قامتىلعان وتباسىلارعا كومەك باستى نازاردا بولادى. ءقازىر وبلىستا 341 كوپ بالالى وتباسى پاتەر كەزەگىندە تۇر. ونىڭ تەك جارتىسى بيىل باسپاناعا يە بولادى.

«بيىل 226 پاتەرگە شاقتالعان 3 ءۇي سالامىز. ءبىر جىلدىڭ ىشىندە وتباسىلاردىڭ 50 پايىزىن باسپانامەن قامتيمىز. اۋدان اكىمدەرى ءار وتباسىمەن جۇمىس ىستەپ، باسپاناعا ءزارۋ وتباسىلاردى انىقتاسىن»، - دەدى قۇمار اقساقالوۆ.  

وبلىستا اتاۋلى الەۋمەتتىك كومەك الاتىن وتباسىلاردىڭ سانى 2115 دەن 3225 وتباسىعا دەيىن وسپەك. بۇعان رەسپۋبليكا قازىناسىنان 1،7 ملرد.تەڭگە باعىتتالماق. ءار بالاعا اي سايىن تولەنەتىن قارجى 20 مىڭ تەڭگەگە دەيىن ءوستى. وڭىردە 6700 بالا وسى كومەككە يە بولماق. مۇگەدەك بالا اسىراپ وتىرعان 2 مىڭ وتباسى ءۇشىن اي سايىنعى جاردەماقى 30 پايىزعا، ياعني 31 مىڭنان 41 مىڭ تەڭگە دەيىن وسپەك. 

كوپ بالالى وتباسىلارعا 2-3 پايىزبەن پاتەر بەرىلەدى. جەرگىلىكتى بيۋدجەت العاشقى جارنانىڭ 10 پايىزىن ءوز موينىنا الماق.

جۇمىسسىزدار مەن ءوز-وزىن قامتاماسىز ەتكەن ازاماتتارعا «ەڭبەك» باعدارلاماسى ءوز كومەگىن تيگىزبەك. نەسيەلەرگە 2،8 ملرد.تگ، گرانتتارعا 300 ملن.تگ بولىنەدى. ءسويتىپ، 1796 سولتۇستىكقازاقستاندىق بيزنەسپەن اينالىسا الادى. ءتىپتى ۇيدە وتىرىپ كاسىبىن دوڭگەلەتۋگە مۇمكىندىك تۋدى.

ۇسىنعان: نازەركە لابيحان