قىرعىزستانداعى اۋىلداردىڭ بىرىندە كولىكتەن قازاقستان ازاماتىنىڭ دەنەسى تابىلعان، دەپ حابارلايدى Qamshy.kz اقپارات اگەنتتىگى sputniknews.kz سايتىنىڭ دەرەگىنە سۇيەنىپ.

قازاقستاننىڭ سىرتقى ىستەر مينيسترلىگى قىرعىزستاننىڭ شۋ وبلىسىندا قازاقستاندىق اتانۋح شەرماتوۆتىڭ قازا بولۋىنا قاتىستى تۇسىنىكتەمە بەردى.

سىرتقى ساياسات ۆەدومستۆوسىنىڭ رەسمي وكىلى ايبەك سمادياروۆتىڭ ايتۋىنشا، ءقازىر قىرعىزستان پوليسياسى وقيعانىڭ ءمان-جايىن انىقتاپ جاتىر.

"وتكەن اپتادا بىشكەك قالاسى ماڭىندا كولىكتەردىڭ بىرىنەن جاس جىگىتتىڭ دەنەسى تابىلدى. ول - قازاقستان ازاماتى. مارقۇمنىڭ ءمايىتى تۋىستارىنا بەرىلدى. باستاپقى دەرەكتەر بويىنشا، قازاقستاندىق وز-وزىنە قول سالعان. قازا تاپقان جىگىتتىڭ جانىنان تاپانشا تابىلدى. ول وز-وزىنە وق اتقان. قىرعىزستان پوليسياسى وقيعانىڭ ءمان-جايىن انىقتاپ جاتىر. تەرگەۋدىڭ قورىتىندىسىن كۇتەيىك، تولىق اقپاراتتى كەيىن جاريالايمىز"، - دەدى ول.

ايتا كەتسەك، وسىدان بۇرىن قىرعىزستاننىڭ ىشكى ىستەر مينيسترلىگى بىشكەك قالاسىنىڭ ماڭىنداعى قوي-تاش اۋىلىندا "مازدا-6" كولىگىنىڭ ىشىنەن 20-25 جاستاعى جىگىتتىڭ دەنەسى تابىلعانىن مالىمدەدى. پوليسيانىڭ بولجامى بويىنشا، ول وز-وزىنە قول سالىپتى. ءمايىتتىڭ جانىنان "ماكاروۆ" تاپانشاسى تابىلعان. قىرعىزستاندىق پوليسەيلەر انىقتاعانداي، قازا تاپقان ادام - قازاقستان ازاماتى، ەسىمى - اتانۋح شەرماتوۆ.

ۇسىنعان: نازەركە لابيحان