الماتى وبلىسىنىڭ تالعار قالاسىندا ءبىر وتباسىنىڭ ءۇش مۇشەسى ءيىس ءتيىپ كوز جۇمدى. ولار 1973 جىلعى اكەسى، 2001 جانە 2005 جىلى تۋعان بالالارى، دەپ حابارلايدى Qamshy.kz اقپارات اگەنتتىگى قازاقپاراتتىڭ دەرەگىن نەگىزگە الىپ.
مامانداردىڭ ايتۋىنشا، وتباسىنىڭ اناسى اۋىر حالدە جانساقتاۋ بولىمىندە جاتىر. الدىن-الا بولجام بويىنشا قايعىلى وقيعاعا قاتتى وتىنمەن جىلىتىلاتىن پەشتىڭ اقاۋى سەبەپ بولۋى مۇمكىن.
توتەنشە جاعدايلار دەپارتامەنتى تاراپىنان اۋقىمدى جۇمىستار اتقارىلىپ جاتقانىمەن الماتى وبلىسىندا ۋلى گازبەن ۋلانۋ فاكتىلەرى جيىلەپ كەتتى. 2019 جىلدىڭ باسىنان 18 ادام ءيىس ءتيىپ كوز جۇمعان. وتكەن اپتانىڭ سەنبىسىندە ءۇشارال قالاسىندا ءبىر ۇيدەن جەتى ادام ۋلى گازبەن ۋلانىپ، ولاردىڭ بىرەۋى جان ءتاسىلىم ەتتى.
ۇسىنعان: اسەل بولات قىزى
پىكىر قالدىرۋ