الماتى اكىمى باۋىرجان بايبەك «نۇر وتان» پارتياسى قالالىق بيۋروسىنىڭ جيىنىندا قالادا، سونىمەن قاتار مەگاپوليستىڭ شەت ايماقتارىندا اباتتاندىرۋ، جولداردى سالۋ مەن جوندەۋ جۇمىستارىن بارىنشا قارقىندى جۇرگىزۋدى تاپسىردى.
سوڭعى 10 جىل ىشىندە قالاعا قوسىلعان الاتاۋ اۋدانىن دامىتۋعا بيلىك 434 ملرد. تەڭگە ءبولدى. سونىڭ ارقاسىندا مۇندا 12 مەكتەپ، 5 ەمحانا، 16 مەملەكەتتىك جانە 151 جەكە بالا باقشالار، «اقبۇلاق»، «العاباس-6»، «سايالى» ىقشام اۋداندارى، ءبىرقاتار سپورت جانە مادەني كەشەندەر، ونىڭ ىشىندە «الماتى ارەنا»، «الاتاۋ» ءداستۇرلى ونەر تەاترى بوي كوتەردى. ينفراقۇرىلىمدى دامىتۋ ءۇشىن 223 كم ەلەكتر، 276 كم گاز جەلىلەرى، 688 كم سۋ، 453 كم كارىز ترۋبالارى تارتىلدى. 93 كم جول جانە ءۇش جولايرىقتارى سالىندى.
باۋىرجان بايبەك مۇندا اسفالتتالعان جولدىڭ تولىق سالىنباعانىنا نازار اۋداردى. سونىڭ سالدارىنان سوڭعى ايدا 110 شاعىم تۇسكەن. كەيبىر ىقشام اۋدانداردا ينجەنەرلىك جەلىلەردى جۇرگىزگەن مەردىگەرلەردىڭ جاۋاپسىزدىعىنان توزگىسىز جاعدايلار قالىپتاسقان.
«ماعان الاتاۋ اۋدانىنىڭ تۇرعىندارىنان شاعىم ءجيى تۇسەدى. ادامداردى قيناماي، جاعدايدى تۇزەتۋ قاجەت. وسىعان وراي، 12 ىقشام اۋداندا جول سالۋ ءۇشىن رەسپۋبليكالىق بيۋدجەتتەن جوسپارلانعان 3 ملرد. تەڭگەگە قوسا ستراتەگيا جانە بيۋدجەتتىك جوسپارلاۋ باسقارماسىنا ءبىرقاتار جوبالاردى وڭتايلاندىرىپ، جەرگىلىكتى بيۋدجەتتەن تاعى 4 ملرد. تەڭگە ءبولۋدى تاپسىرامىن. اۋدان اكىمى ءتيىستى باسقارمالارمەن بىرگە جۇمىستىڭ ساپاسى ءۇشىن جەكە جاۋاپ بەرەسىز. مەن ءجيى بارىپ، اتقارعان جۇمىستارىڭدى تەكسەرىپ تۇرامىن»، - دەدى باۋىرجان بايبەك.
وسىلايشا، الاتاۋ اۋدانىنداعى «اقبۇلاق»، «قاراسۋ»، «ۇلجان-2»، «العاباس-ازتم»، «ايگەرىم-1»، «ايگەرىم-2»، «ۇلجان-1»، «شاڭىراق-1»، «شاڭىراق-2»، «توميريس»، «دارحان-بايبەسىك»، «كوك قاينار» ىقشام اۋداندارىنداعى 440-تان استام كوشەگە ۇزىندىعى 120 كم بولاتىن جولدار سالىنادى جانە جوندەلەدى.
ايتا كەتەرلىگى، جاقىندا باۋىرجان بايبەك الداعى كەزدە جوندەلەتىن جولدار مەن تروتۋارلارعا قاتىستى جۇمىس كەڭەسىن وتكىزگەن ەدى. بيىلعى جىلى ۇزىندىعى 111 كم بولاتىن 120-دان استام كوشەگە اعىمداعى ورتاشا جوندەۋ جۇمىستارى جۇرگىزىلەدى.
بۇلاردان وزگە، مەگاپوليس باسشىسى اشىق قالعان ليۋكتار مەن بەتى جابىلماعان ورلارعا قاتىستى شاعىمداردىڭ ءجيى تۇسەتىنىن، مۇنداي كەلەڭسىزدىكتەردىڭ ورتالىق داڭعىلدار مەن اۋداندىق ءمانى بار كوشەلەرىندە ورىن العانىن اتاپ ءوتتى.
قالالىق موبيلدىلىك باسقارماسىنىڭ باسشىسى ساعىندىق تەلىبايەۆ اۋا رايى قولايلى بولسا بارلىق ماگيسترالدى كوشەلەردە اعىمداعى جوندەۋ جۇمىستارىنىڭ 10 كۇن ىشىندە جۇرگىزىلەتىنىن حابارلادى.