قاراجاتتىڭ جەتىسپەۋشىلىگىنەن ادامدار ءتۇرلى ىس-ارەكەتكە بارادى. سول سەكىلدى اقش-تا ءبىر ايەل بالالارىنىڭ اش وتىرعانىنا شىداي الماي دۇكەننەن 5 جۇمىرتقانى ۇرلاپ الادى، الايدا دۇكەننەن كوپ ۇزاماي-اق قولعا تۇسەدى. بۇل جايىندا Qamshy.kz اقپارات اگەنتتىگى Wake up your mind باسىلىمىنا سىلتەمە جاساپ حابارلايدى.

وقيعا ورنىنا دەرەۋ كەلىپ جەتكەن وفيسەر ۋيليام ستەيسي ايەلدىڭ وقيعاسىن تىڭداپ بولىپ، ونى تۇتقىنداۋدىڭ ورنىنا كومەكتەسۋدى ۇيعارىپتى.

ميسسيس دجونسون ەكى قىزى، ەكى جيەنى مەن 1 جانە 3 جاستاعى ەكى نەمەرەسىن باعىپ وتىر جانە ول ايىنا 120 دوللار عانا الادى ەكەن. وتكەن اپتادا ونى قاراقشىلار توناپ كەتىپ، وزدەرى اش قالعان. سەنبى كۇنى ءنار تاتپاعاندارىنا ەكى كۇن بولعاندىقتان قولىنداعى بار اقشاسى – 1،25 دوللارمەن جاقىن ماڭداعى سۋپەرماركەتكە بارىپ، جۇمىرتقا ساتىپ الماق بولعان.

الايدا جۇمىرتقاعا اقشاسى جەتپەگەندىكتەن بەسەۋىن قالتاسىنا سالىپ الىپ ۇرلاپ الۋدى ويلاعان. بىردەن قولعا ءتۇسىپ، سالدارىنان جۇمىرتقالاردى دا جارىپ العان دجونسون: «مەن اككى ۇرى ەمەس ەكەنمىن...» دەپ ايتىپتى.

دۇكەننىڭ قىزمەتكەرلەرى پوليسيا شاقىرىپ، ءىستىڭ ءمان-جايىن انىقتاۋدى تالاپ ەتىپتى. وفيسەر ۋيليام ميسسيس دجونسوننىڭ ءقازىر قانداي جاعدايدا وتىرعانىن ەستىپ، ونى تۇتقىنداۋدان باس تارتىپ، ۇيىنە جىبەرگەن.

كەيىننەن وفيسەر ول ايەلدىڭ ۇيىنە كەلىپ كورمەك بولعان. بۇل وتباسىنىڭ الەۋمەتتىك جاعدايى قانشالىقتى ناشار ەكەندىگىن كورگەن وفيسەر وعان ءبىر قوراپ جۇمىرتقا الىپ بەرىپتى. ەرتەسىنە وزگە ارىپتەستەرىمەن بىرلەسىپ دجونسوننىڭ وتباسىنا ءبىراز ۋاقىتقا دەيىن جەتەتىن ازىق-تۇلىك اكەوىپ بەرگەن.

ۇسىنعان: نازەركە لابيحان