مەملەكەت باسشىسى اقوردادا "كوكتەم شۋاعى" اتتى كەزدەسۋ ۇيىمداستىرىپ، ايەلدەر قاۋىمىن كەلە جاتقان 8 ناۋرىز – حالىقارالىق ايەلدەر كۇنىمەن قۇتتىقتادى.

اقوردا ينستاگرام پاراقشاسىندا جاريالانعان ۆيدەونىڭ استىندا ەلباسىمىزدىڭ كەزدەسۋدە سالقىن تيگىزىپ العان ەكى نازىك جاندىعا ءوز قولىمەن ءدارى ۇسىنعان.

7 ناۋرىز "اقوردا" رەزيدەنسياسىندا مەملەكەت باسشىسى ايەلدەر قاۋىمى وكىلدەرىمەن "كوكتەم شۋاعى" اتتى كەزدەسۋ وتكىزگەن بولاتىن. كەزدەسۋگە قاتىسقان نازىك جاندىلاردىڭ ىشىندە ەكەۋىنىڭ سالقىن تيگىزىپ العانىن بايقاعان ەلباسى   ءوز قولىمەن ءدارى ۇسىنىپ، ولارعا زور دەنساۋلىق تىلەپ، تەزىرەك ساۋىعىپ كەتۋىنە نيەتتەستىك ءبىلدىردى.

ەلباسىنىڭ قولىنان ءدارى ىشكەن نازىك جاندىلار كىم؟

ناتاليا ەرمولينا — «استانا-زەلەنستروي» اق بريگاداسىنىڭ باسشىسى.

مانشۇك مامبەتوۆا قۇدايبەرگەن قىزى — قازاق ۇلتتىق ۋنيۆەرسيتەتىنىڭ كافەدرا مەڭگەرۋشىسىنىڭ ورىنباسارى، التى بالانىڭ اناسى. 

ول 1999 جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ فيلولوگيا فاكۋلتەتىن باكالاۆر اكادەميالىق دارەجەسى جانە «فيلولوگ، قازاق ءتىلى مەن ادەبيەتى ءپانىنىڭ وقىتۋشىسى» ماماندىعى بويىنشا ۇزدىك ديپلوممەن، 2001 جىلى وسى فاكۋلتەتتىڭ كۇندىزگى ماگيستراتۋرا ءبولىمىن «ءتىل تەورياسى» ماماندىعى بويىنشا ۇزدىك ديپلوممەن بىتىرگەن. 2002-2004 جىلدارى جالپى ءتىل ءبىلىمى كافەدراسىنىڭ كۇندىزگى ءبولىم اسپيرانتۋراسىندا وقىدى.

ءارتۇرلى عىلىمي باسىلىمدار مەن عىلىمي كونفەرەنسيالار ماتەريالدارىنىڭ جيناقتارىندا 50-دەن اسا عىلىمي ماقالاسى جارىق كوردى. سونداي-اق «رەسمي-ىسكەري كليشە تۇلعالار» اتتى 3 مونوگرافيا، «ءتىل بىلىمىنە كىرىسپە»، «تىلدىك قاتىناس نەگىزدەرى»، «قۇجاتتىق لينگۆيستيكا» پاندەرى بويىنشا 3 وقۋ-ادىستەمەلىك قۇرال شىعاردى.

ۇسىنعان: فاريزا جومارت قىزى