فينليانديا پرەزيدەنتى ساۋلي نيينيستە ەلدىڭ پرەمەر-مينيسترى يۋحا سيپيلمەن كەزدەسۋ بارىسىندا ۇكىمەتتىڭ وتستاۆكاعا كەتۋىن ماقۇلدادى دەپ حابارلايدى Qamshy.kz اقپارات اگەنتتىگى kaz.tengrinews.kz سايتىنا سىلتەمە جاساپ.

فين پرەزيدەنتىنىڭ كەڭسەسى قازىرگى مينيسترلەر كابينەتى ۋاقىتشا جۇمىس ىستەيتىنىن  حاباردار ەتتى.

"پرەزيدەنت ۇكىمەتتىڭ وتستاۆكاسىن ماقۇلدادى جانە جاڭا ۇكىمەت تاعايىندالعانشا جۇمىستى ۋاقىتشا جالعاستىرۋدى سۇرادى»، - دەلىنگەن كەڭسە مالىمدەسىندە. ۇكىمەت الەۋمەتتىك ساۋلىق سالاسىنداعى ءساتسىز رەفورماعا بايلانىستى وتستاۆكاعا كەتتى.

14 ساۋىردە فينليانديادا ۇكىمەتتىڭ سايلاۋى وتەدى. سول كەزدە جاڭا ۇكىمەت قۇرىلادى. الەۋمەتتىك-دەموكراتيالىق پارتيانىڭ كوشباسشىسى انتي ريننە وتستاۆكانى تۇسىنىكسىز شەشىم دەپ ايتتى.

ول ۇكىمەتتى كونستيتۋسيا تالاپتارىنا ساي كەلمەيتىن زاڭ جوبالارىن باستاعانى ءۇشىن سىنعا الدى. كەيىن بەلگىلى بولعانداي، ۇكىمەتتىڭ وتستاۆكاعا كەتۋى تۋرالى شەشىمدى پرەمەر-مينيستر يۋحا سيپيليانىڭ ءوزى قابىلداعان.

ۇسىنعان: ماقپال سەمباي