DAZN ستريمينگ جۇيەسى Twitter جەلىسىندەگى رەسمي پاراقشاسىندا گەنناديي گولوۆكينمەن كەلىسىمشارتقا وتىرعانىن جاريالادى. "كەلىسىم ءوتتى! GGG جەكپە-جەكتەرىن DAZN جۇيەسىنەن كورىڭىزدەر"، - دەلىنگەن 8 ناۋرىزدا كەشكىسىن جاريالانعان حابارلامادا، دەپ جازادى Qamshy.kz اقپارات اگەنتتىگى Tengrinews.kz سايتىنىڭ دەرەگىنە سۇيەنىپ.

قازاقستاندىق بوكسشى ءۇشىن كۇرەستە ولار Showtime ارناسىنداعى Premier Boxing Champions (PBC) جوباسىن جانە FOX-تا ترانسلياسيالارمەن باسىپ وزدى. تاعى ءبىر ۇمىتكەر ESPN بولدى، ءبىراق ارنا قاڭتار ايىندا جارىستان شىقتى، دەپ حابارلايدى Vesti.kz سپورت پورتالى.

The Ring جۋرنالى ورتا سالماقتا چەمپيون بولعان قازاقستاندىق بوكسشى مەن DAZN اراسىنداعى كەلىسىمشارتتىڭ ءمان-جايىن جاريالادى. جۋرناليست مايك كوپپيندجەردىڭ مالىمەتىنشە، نەگىزىندە كەلىسىمشارتقا 7 ناۋرىزدا قول قويىلعان ەكەن. بۇل تۋرالى رەسمي تۇردە 12 ناۋرىزدا، لوس-اندجەلەستەگى باسپا ءسوز كونفەرەنسياسىندا ايتىلادى. 

جاڭا جۇيەدە گولوۆكين ءبىرىنشى كەزدەسۋىن ماۋسىمدا وتكىزەدى. ءۇشجىلدىق كەلىسىم بارىسىندا، ول جىلىنا ەكى كەزدەسۋدەن وتكىزىپ وتىرادى. دەرەككوز مالىمەتىنشە، GGG ءار جەكپە-جەگى ءۇشىن سەگىز تاڭبالى ساندى الادى ەكەن.

سونىمەن قاتار، گولوۆكين DAZN جاھاندىق ەلشىسى اتاندى. بۇل تىزىمدە مەكسيكالىق ساۋل "كانەلو" الۆارەس" جانە فۋتبول جۇلدىزدارى كريشتيانۋ رونالدۋ مەن نەيماردا بار. 

DAZN-مەن كەلىسىمشارت گولوۆكيندى ءۇشىنشى جەكپە-جەك وتكىزۋگە الىپ كەلە جاتىر جانە ونىڭ GGG Promotions كومپانياسى 2020 جانە 2021 جىلدارى ءتورت بوكس كەشتەرىن وتكىزۋگە كەپىلدىك بەرەدى. 

گولوۆكينمەن كەلىسسوزدەردى بىرنەشە اي بويى DAZN اتقارۋشى ديرەكتورى دجون سكيپپەر مەن ۇلىبريتانيالىق پروموۋتەر ەددي حيرن جۇرگىزدى. ولار لوس-اندجەلەستە بىرنەشە كەزدەسۋلەر وتكىزدى، بۇل بوكسشى تۇراتىن سانتا-مونيكاعا جاقىن.

ەسكە سالايىق، گەنناديي گولوۆكين HBO بوكستان كەتكەننەن كەيىن تەلەسەرىكتەسسىز قالدى. وسى ارنادا قازاقستاندىق بوكسشى 2012 جىلدان باستاپ ونەر كورسەتتى.

ۇسىنعان: نازەركە لابيحان