قىرعىزستان پرەزيدەنتى ساۋرانباي جيەنبەكوۆ قىرعىزستان سوتىنىڭ ءحى سەزى كەزىندە ولارعا پايعامبارىمىزدىڭ (س.ع.س.) ءبىر حاديسىن ايتىپ بەردى، دەپ جازادى Qamshy.kz اقپارات اگەنتتىگى 24.kg سايتىنىڭ مالىمەتىنە سۇيەنىپ.

«بۇگىن سىزدەرگە سۋديالار تۋرالى ءبىر حاديس ايتىپ بەرەيىن. ول حاديستە جازىلعانداي، سۋديانىڭ ءۇش ءتۇرى بولادى، ونىڭ ەكەۋى توزاققا تۇسسە، بىرەۋى عانا جۇماققا بارادى ەكەن. ەگەر سۋديا ءادىل شەشىم قابىلداسا، ونىڭ مەكەنى جۇماق بولماق. ال ەگەرشىندىققا كوز جەتكىزبەي نەمەسە قانداي دا ءبىر ماسەلەنىڭ ءمان-جايىن انىقتاماي شەشىم شىعارسا، ونداي سۋديا توزاقتىق بولادى»، - دەپ ايتتى ساۋرانباي جيەنبەكوۆ.

سەزدە ءسوز العان پرەزيدەنت سۋديالاردىڭ باستى مىندەتىن ايتىپ بەردى.

«سىزدەردى قابىلداعان شەشىمدەرىڭىزدى ەشكىم دە وزگەرتە المايدى، وعان، ءتىپتى،  مەنىڭ دە قۇزىرەتىم جەتپەيدى. وسىنى ەستەن شىعارماۋلارىڭىز كەرەك، ءومىر قىسقا، ءبارىمىز دە جاراتقاننىڭ الدىندا ەسەپ بەرەتىنىمىزدى ۇمىتپاڭىزدار»، - دەپ ايتىپ ءوتتى قىرعىزستان پرەزيدەنتى.

ۇسىنعان: نازەركە لابيحان