ەرەكشە داۋىسىمەن الەمدى ءتانتى ەتكەن تالانتتى ءانشى ديماش قۇدايبەرگەننىڭ اتا-اناسى قانات پەن سۆەتلانا ايتبايەۆتار بالاسىنىڭ گونورارى مەن قارجىسىنىڭ قايدا جۇمسالاتىندىعى جايىندا ايتىپ بەردى، دەپ جازادى Qamshy.kz اقپارات اگەنتتىگى Sputniknews.kz سايتىنىڭ دەرەگىنە سۇيەنىپ.

ولاردىڭ ايتۋىنشا، ديماشتىڭ شىعارماشىلىعى قارجىنى كوپ تاپسام دەگەن ماقساتتا ەمەس.

قانات پەن سۆەتلانا ايتابايەۆتاردىڭ سوزىنشە، ءانشىنىڭ تاپقان قاراجاتى كوبىندە وزىمەن بىرگە جۇمىس ىستەيتىن كومانداعا تولەۋگە كەتەدى ەكەن. مىسالى، ديماش ساحناعا شىققاندا ونى 25 ادامنان تۇراتىن وركەستر سۇيەمەلدەيدى.

«سونداي-اق، ديماشپەن بىرگە ساحناعا بيشىلەر دە شىعادى. ولاردىڭ اقىسىن بالامىز ءوز گونورارىنان تولەيدى»، - دەپ ايتتى قانات ايتبايەۆ.

ونىڭ ايتۋىنشا، قازىرگى تاڭدا ديماشقا كانادا، كورەيا، جاپونيا، فرانسيا، گەرمانيا جانە تمد ەلدەرىنەن ۇسىنىستار ءتۇسىپ جاتىر.

«ديماش الداعى ۋاقىتتا ماسكەۋدە جەكە كونسەرتىن بەرەدى دە، بىردەن گەرمانياعا ۇشىپ كەتەدى. ءبىر ۋاقىتتا بىردەن گاسترولدى تۋر ۇيىمداستىرا المايمىز. ءبارى ءوز كەزەگىمەن بولادى»، - دەپ ايتتى ءانشىنىڭ اكەسى.

بەلگىلى بولعانداي، اعىمداعى جىلدىڭ 22 ناۋرىزىندا بولاتىن كرەملدەگى كونسەرتىنە بيلەتتەر بىردەن ساتىلىپ كەتكەن. سوندىقتان، 23 ناۋرىز كۇنى دە كونسەرت بەرۋ جوسپارلاندى.

«ۇيىمداستىرۋشىلار ديماشقا وسىنداي ۇسىنىس تاستادى. ەكى ساعاتقا سوزىلاتىن كونسەرتتە جاندى داۋىستا ءان شىرقاۋ ۇلكەن جەتىستىك بولادى. بۇل ۇسىنىسقا ديماش قۋانا كەلىستى. سوندىقتان، اللا بۇيىرتسا، ول ماسكەۋدە ەكى كونسەرت وتكىزەدى»، - دەدى قانات ايتبايەۆ.

ول ءوز سوزىندە ديماشتىڭ اقشانى تەك ءوز پايداسى ءۇشىن تاپپايتىنىن ايتىپ ءوتتى. ول ءۇشىن شىعارماشىلىق ءبىرىنشى ورىندا. «سوندىقتان دا، ءبىز اقشاعا قاتتى قۇنىقپايمىز» دەپ، ديماشتىڭ جارناماعا كوپ قاراجات جۇمسامايتىنىن ايتتى.

«ديماشتىڭ اندەرى 114 ەلدە تانىلعان، ءار ەلدە ءوزىنىڭ فان-كلۋبتارى بار. كوپشىلىگى ديماش مۇنى تەك اقشا ءۇشىن ىستەيدى دەپ ويلادى. ءبىراق، بۇل – قاتە پىكىر. مۇنىڭ ءبارى تىڭدارمانعا دەگەن ماحابباتتان جاسالىپ جاتقان دۇنيە»، - دەپ ايتتى قانات ايتبايەۆ.

ۇسىنعان: نازەركە لابيحان