ۇلتتىق ەكونوميكا ءمينيسترى ءوزىنىڭ ءبىرىنشى ءمينيسترى مادينا ءابىلقاسىموۆانىڭ جاڭا قىزمەتى تۋرالى پىكىر ءبىلدىردى دەپ جازادى Qamshy.kz اقپارات اگەنتتىگى. 

رۋسلان دالەنوۆتىڭ ايتۋىنشا، ءمينيستردىڭ ورىنباسارلارى ۇكىمەتتىڭ شەشىمى ارقىلى تاعايىندالادى. 

"ءمادينا ءابىلقاسىموۆا بۇعان دەيىن دە ۇلتتىق ەكونوميكا مينيسترلىگىندە جۇمىس ىستەگەن، حالىقارالىق بلوكپەن اينالىستى. ءقازىر دە سول جۇمىسىن جالعاستىرادى"، - دەيدى ۇلتتىق ەكونوميكا ءمينيسترى.

سونداي-اق ول ورىنباسارلارىنىڭ بۇرىنعى قىزمەتى تۋرالى تۇسىنىكتەمە بەرمەيتىنىن تىلگە تيەك ەتتى. 

"مەن ولارعا تاپسىرما بەرىپ، سول تاپسىرمانىڭ ءمىنسىز ورىندالعانىن تالاپ ەتەمىن. وسىمەن بولدى"، - دەيدى. 

مينيستر قازاقستاندىقتاردىڭ ءابىلقاسىموۆانىڭ جاڭا قىزمەتكە تاعايىندالۋىن قالاي قابىلداعانىنىنان حابارسىز. الەۋمەتتىك جەلىدەگى پىكىرلەردى وقىماعان.  

"جالاقى ارنايى كەستەمەن رەتتەلەدى. ۆيسە-مينيستردىڭ جالاقىسى ءمينيستردىڭ جالاقىسىنا قاراعاندا تومەن بولىپ كەلەدى. بۇل لاۋازىمىنىڭ تومەندەگىنىن بىلدىرەدى"، - دەيدى دالەنوۆ.

ۇسىنعان: اسەل بولات قىزى