ۇكىمەت وتىرىسىندا قازاقستان رەسپۋبليكاسى ۇلتتىق ەكونوميكا ءمينيسترى رۋسلان دالەنوۆ 2019 جىلعا ارنالعان ماكرو كورسەتكىشتەردىڭ قايتا قارالعان بولجامىن ۇسىندى دەپ حابارلايدى Qamshy.kz اقپارات اگەنتتىگى Zakon.kzء-تىڭ دەرەگىن نەگىزگە الا وتىرىپ. 

"2019 جىلعا ارنالعان ماكرو كورسەتكىشتەر بويىنشا بولجامداردى تۇزەتۋدىڭ نەگىزگى فاكتورلارى 2018 جىلعا ءجىو دەرەكتەرىن جاريالاۋ، سونداي-اق تاۋ-كەن ونەركاسىبى مەن قىزمەت كورسەتۋ سەكتورىنىڭ ديناميكاسىنىڭ وزگەرۋى بولدى.وسىلايشا 2018 جىلى ءجىو كولەمى 58،8 تريلليون تەڭگەنى قۇرادى. بۇل 2019 جىلى باعالاۋدىڭ جاقسى كورسەتكىشى" دەپ باعا بەردى رۋسلان دالەنوۆ.

ونىڭ ايتۋىنشا، مۇناي ءوندىرۋ كولەمى 2018 جىلمەن سالىستىرعاندا 1،4 ميلليون تونناعا نەمەسە 1،5% -عا تومەندەيدى، بۇل تاۋ-كەن ونەركاسىبىنىڭ ءوسۋ قارقىنىنىڭ تومەندەۋىنە اكەلەدى.

سونىمەن بىرگە قىزمەت كورسەتۋ سەكتورىندا جوعارى وسۋلەر كۇتىلۋدە. قىزمەت كورسەتۋ سەكتورىنىڭ ءوسۋ  نەگىزى — ىشكى سۇرانىستىڭ ارتۋىنان. سىرتقى جانە ىشكى فاكتورلاردى ەسكەرە وتىرىپ، بولجام بويىنشا 2019 جىلعا ارنالعان نەگىزگى كورسەتكىشتەر بۇرىن بەكىتىلگەن دەڭگەيدە ساقتالادى: مۇنايدىڭ ءبىر باررەلى  55 دوللار بولسا،  تەڭگە باعامى — ءبىر اقش دوللارى ءۇشىن 370 تەڭگەنى قۇرايدى — دەپ حابارلادى ۆەدومستۆو باسشىسى.

— ونەركاسىپتىڭ ءوسۋى 1،6%-دى قۇرايدى. سونىمەن قاتار وڭدەۋ ونەركاسىبى تاۋ-كەن ونەركاسىبىنە قاراعاندا وسەدى. ەكسپورت 0،3 ميلليارد دوللارعا، يمپورت 54،4 ميللياردقا ارتادى. جوعارىدا اتالعان دامۋ فاكتورلارىن ەسكەرە وتىرىپ، ءجىو ناقتى ءوسۋى 2019 جىلعا قاراي 3،8%-عا باعالانادى. 2019 جىلى نومينالدى ءجىو 64،3 تريلليون تەڭگەگە بولجانىپ وتىر، بۇل الدىڭعى باعالاۋدان 323،5 ميلليارد تەڭگە جوعارى. جان باسىنا شاققانداعى ءجىو 9 409 اقش دوللارىن قۇرايدى، - دەپ قورىتىندىلادى دالەنوۆ.

اۋدارعان: فاريزا جومارت قىزى