10 ناۋرىز كۇنى ماسكەۋدە قوقىسقا تولى پاتەردىڭ ىشىنەن تابىلعان 5 جاسار ماۋگلي قىز سويلەي باستادى، دەپ جازادى Qamshy.kz اقپارات اگەنتتىگى Gazeta.ru سايتىنا سىلتەمە جاساپ.

بۇگىندە ول بىرنەشە سوزدەردى ايتا باستاعان. دارىگەرلەردىڭ ايتۋىنشا، كىشكەنتاي قىزدان قانداي دا ءبىر ءقاۋىپتى اۋرۋ تابىلمادى، ول كۇلىمدەپ، اينالاسىنداعى ادامدارمەن ءتىلتابىسا باستاپتى. كىشكەنتاي قىز تۇرعان ءۇيدىڭ كورشىلەرى باق-قا بەرگەن سۇحباتتارىندا ول پاتەرگە اناسىنىڭ سيرەك كەلەتىندىگىن ايتقان بولاتىن.

ءبۇلدىرشىن سۋ مەن كەرەۋىتتەن قورقادى

اناسى قاراۋسىز تاستاپ كەتكەن بەس جاسار ءبۇلدىرشىندى 7-8 كۇننەن كەيىن اۋرۋحانادان شىعارماق. بۇل جايىندا جەرگىلىكتى باق-قا بالالار اۋرۋحاناسىنىڭ باس دارىگەرى ايتىپ بەردى. ونىڭ ايتۋىنشا، بالانىڭ دەنەسى كوگەرىپ، وعان قاتتى ءجابىر كورسەتىلمەگەن، ءبىراق بالاعا دۇرىس كۇتىم جاساماعانى كورىنىپ تۇر.

كىشكەنتاي ءبۇلدىرشىن وتە باۋىرمال، كۇلىمسىرەپ قالعان، العاشىندا، ءتىپتى، سويلەي دە المايتىن ەدى.

«كەيبىر سوزدەردى ايتادى، اتىن اتاساڭ قارايدى. كۇلىمدەپ، ەشكىمنەن دە جاتىرقامايدى»، - دەيدى باس دارىگەر وسمانوۆ يسمايل. ماماننىڭ پىكىرىنشە، ءبۇلدىرشىن ۋاقىتشا سويلەمەي قويعان، وعان حرونولوگيالىق سترەسس اسەر ەتكەن بولۋى مۇمكىن.

دارىگەر وسمانوۆ ءوز سوزىندە ءبۇلدىرشىننىڭ كەرەۋىتتەن قورقاتىنىن ايتقان ەدى.

«ءقازىر اقىرىنداپ ۇيرەنىپ كەلەدى، ول كەرەۋىتكە جاتىپ، سوندا ۇيىقتايتىن بولدى. ءبىز لوگوپەدتەر مەن پسيحولوگتاردىڭ كومەگىمەن بالانى تولىققاندى قالپىنا كەلتىرۋگە تىرىسامىز»، - دەپ ايتىپ ءوتتى دارىگەر.

ۇسىنعان: نازەركە لابيحان