ەلىمىزدە نەكەسىز تۋعان بالاعا دا اكەسىنىڭ اليمەنت تولەپ تۇرۋى مىندەتتى بولماق، دەپ حابارلايدى Qamshy.kz اقپارات اگەنتتىگى Kyzylorda-news.kz سايتىنا سىلتەمە جاساپ.
بۇل تۋرالى ءماجىلىس دەپۋتاتى سۆەتلانا بىچكوۆا ايتتى.
بۇگىن ق ر پارلامەنتى سەناتى الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا بالانىڭ قۇقىقتارىن قورعاۋ ماسەلەسى قارالدى.
جيىندا سۆەتلانا بىچكوۆا بالانىڭ قۇقىقتارىن قورعاۋ ماسەلەسى جونىندەگى فۋنكسيالاردى جۇزەگە اسىراتىن ۇيىمداردىڭ قىزمەتىنە بايلانىستى ماسەلەلەر بويىنشا وزگەرىستەر مەن تولىقتىرۋلار كوزدەلگەن زاڭ جوباسىن تانىستىرعان ەدى.
«2018 جىلدىڭ ماۋسىمىندا كونستيتۋسيالىق كەڭەسكە ۇندەۋ جولدانىپ، وندا ەر-ازاماتپەن نەكەدە تۇرماعان انالار دۇنيەگە اكەلگەن بالالاردىڭ بۇل تۇرعىدا قۇقىقتارى شەكتەلگەنى كورسەتىلگەن. ەگەر ەركەكتەر ولارعا اليمەنت تولەگىسى كەلمەسە، وندا بالالار اليمەنتتەن قاعىلادى. سوندىقتان تۇپتەپ كەلگەندە ونداي بالالار نەكەدەگى ايەلدەردەن تۋعان بالالارمەن تەڭەستىرىلگەن ەدى. بۇل رەتتە جاعدايعا بايلانىستى ناقتى شارتتاردى سوت ايقىندايدى»، - دەدى ءماجىلىس دەپۋتاتى.
تالقىلاۋ بارىسىندا نەكە جانە وتباسى تۋرالى كودەكستىڭ 47-بابىنا تولىقتىرۋلار ەنگىزىلەتىندىگى اتالىپ ءوتىلدى. اتالعان تولىقتىرۋلاردا ەر-ازامات نەكەدەن تىس تۋعان ورتاق بالالارىن اسىراۋ ءۇشىن ونىڭ اناسىنىڭ شىعىندارىن وتەيتىندىگى كوزدەلگەن. سونىمەن قاتار، ءدال وسى نورمادا سوت اقشا قاراجاتىنىڭ كولەمى مەن تولەم مەرزىمدىلىگىن تاراپتاردىڭ ماتەريالدىق جانە وتباسىلىق جاعدايىنا بايلانىستى ايقىندايتىندىعى كورسەتىلگەن.
ۇسىنعان: نازەركە لابيحان
