بۇگىندە نامازعا جىعىلىپ، ءتاسپى تارتىپ، اللادان تىلەك تىلەپ وتىرعان قاريالاردى، ءتىپتى جاستاردى دا ءجيى كورۋگە بولادى. ال وسى ءتاسپىنى قالاي تارتۋ كەرەكتىگىن، ونىڭ قانداي پايداسى بارىن كوبىمىز بىلە بەرمەيمىز. ەندەشە، ءتاسپىنىڭ قاسيەتى مەن پايداسى جونىندە تومەندە جازىلعان كەڭەستەر ارقىلى بىلە جۇرىڭىزدەر:
1. جولىڭىز اشىلماي، جوسپارلارىڭىز كەرى اينالىپ، قاتتى اشۋعا بۋلىققاندا “سۋبحان اللاھ” دەپ ءتاسپى اۋدارىڭىز. ءتاسپىنى ۇستاعان ادامنىڭ مىنەزى جايدارلى، سابىرلى بولادى.
2. ءتاسپى ادامنىڭ قولىندا تۇرعاندىقتان ونى اۋدارعاندا الدىمەن ساۋساقتار قيمىلدايدى. ال ساۋساعى ءجيى قيمىلدايتىن ادامنىڭ ميى تىنىعىپ، ويى جاقسارادى.
3. اسىرەسە، جۇرەك-قان تامىرلارى اۋرۋىنا شالدىققان ادامعا ءتاسپى اۋدارعاننىڭ پايداسى زور. ساۋساقتىڭ ءجيى قيمىلداۋىنان ادام اعزاسىنداعى قان اينالىمى جاقسارىپ، جۇرەك قان تامىرلارىنىڭ جۇمىسى رەتكە كەلتىرىلەدى.
4. باسبارماق ميدىڭ جۇمىسىن جاقسارتادى. سۇق ساۋساقتىڭ ءجيى قيمىلداۋى ءىش اۋرۋلارىن باسادى. ورتاڭعى ساۋساق قيمىلى اسقازان-ىشەك جولدارىن جاقسارتادى. ءتورتىنشى ساۋساقتىڭ ءجيى قيمىلدا بولعانى باۋىرعا جاقسى كومەكتەسەدى. ال كىشكەنتاي ساۋساقتىڭ قيمىلى جۇرەككە جاقسى اسەر ەتەدى.
5. قاتتى سىرقاتتانىپ، مازاسىزدانعاندا ءتاسپىنى ەكى قولىڭىزعا الىپ اۋدارساڭىز، كوڭىل-كۇيىڭىز جاقسارا تۇسەدى.
6. قولى نەمەسە ساۋساعى شىعىپ كەتكەن، سىنعان ادامدار ءتاسپىنى ءجيى اۋداراتىن بولسا، زاقىمدانعان جەرى تەز ارادا ىسكە قوسىلادى.
7. ۇلكەن كىسىلەرمەن نەمەسە باسشىلارمەن سويلەسەردە قوبالجيتىن بولساڭىز، قولىڭىزعا ءتاسپى ۇستاپ، ونى اۋدارىپ وتىرىڭىز. بۇل ءسىزدىڭ ويىڭىزدى تىنىشتاندىرىپ، ورىندى سويلەۋىڭىزگە ىقپال ەتەدى.
8. ءتاسپى اۋدارىپ وتىرعان ادام كوز تيۋدەن ساقتانادى. ويتكەنى بوتەن ادامدار ونىڭ بويىنداعى ەرەكشەلىكتەرىنە ەمەس، قولىنداعى تاسپىسىنە نازار اۋدارادى.
ۇسىنعان: نازەركە لابيحان
