اسقار جاكۋلين اتىنداعى بيولوگيالىق زەرتحانا كابينەتى اشىلدى. بۇل جايىندا الماس احمەتبەك ۇلى ءوزىنىڭ الەۋمەتتىك جەلىدەگى پاراقشاسىندا جازدى، دەپ حابارلايدى Qamshy.kz اقپارات اگەنتتىگى.

بيولوگيا زەرتxانا - كابينەتىنە اسقار جاكۋلين ەسىمى بەرىلدى. 70 جىلدىق تاريxى بار بي بورانباي مەكتەبى جاكۋلانىڭ تۋعان جەرى - قىزىلكەسىكتەگى ىرگەلى ءبىلىم ورداسى (جاكۋلا 1885 جىلى ومبى دارىگەرلىك تەxنيكۋمىن بىتىرگەن، پەرەجاۆالسك گۋبەرنياسىنىڭ xاتشىسى بولعان، عازيزا دەگەن قىزىن مۇxامەتجان تىنىشبايەۆ العان. 1933-جىلى شاۋەشەكتە وققا ۇشقان). مەكتەپتىڭ داڭق تاقتاسىندا سەرىكبولسىن ءابدىلدين، قاينار ولجاي، بولات ءمۇرسالىم باستاعان تانىمال تۇلعالار ءتىزىلىپ تۇر. سول تاقتادان وسى مەكتەپءتىڭ قامقورشىسى اسقاردىڭ دا، جاكۋلا اتاسىنىڭ دا سالاۋاتتى بەينەسىن كورەسىڭ. مەكتەپ ۇجىمى شەشىمىمەن جىل باسىندا جاڭادان اشىلعان سوڭعى ۇلگىدەگى بيولوگيا زەرتxانا كابينەتىن سۇيىكتى جەرلەستەرى اسقار جاكۋلين اتىمەن اتاۋ ۇيعارىلىپتى. بۇل ۇلتىن سۇيەتىن ۇرپاق تاربيەلەۋگە قىزمەت ەتەتىن قادام. بۇل--اقسۋات-تارباعاتاي-شىعىس وڭىرىندە اسقار ەسىمىمەن اتالاتىن نىساندار ءتىزىمىنىڭ باسى دەپ بىلەيىك. "ەر ەسىمىن ەلى ۇمىتپايدى، ەلى ۇمىتسا دا جەرى ۇمىتپايدى"، دەپ جازادى الماس احمەتبەك ۇلى.

ۇسىنعان: نازەركە لابيحان