ءماجىلىس دەپۋتاتى گۇلجان قاراعۇسوۆا ارىپتەستەرىنە قارتايعاندا تۇراتىن كووپەراتيۆ سالۋدى ۇسىندى دەپ حابارلايدى Qamshy.kz اقپارات اگەنتتىگى Tengrinews.kz  سايتىنىڭ دەرەگىن نەگىزگە الا وتىرىپ.

ول بۇل يدەياسىن از قامتىلعان وتباسىلارعا قولداۋ شارالارىن تالقىلاۋ كەزىندە ايتقان. 

ماجىلىسمەن كەڭەس ابساتيروۆ ەڭبەك جانە الەۋمەتتىك قورعاۋ مينيسترلىگىنىڭ وكىلىنەن: الەۋمەتتىك كومەك كورسەتۋ بارىسىندا كوپبالالى وتباسىنىڭ تابىسىنا اتا-اجەلەردىڭ زەينەتى قوسىلا ما دەپ سۇراعان.

گۇلجان قاراعۇسوۆا: ايتا كەتەيىك، بۇل مەملەكەتتىك جاردەماقىنىڭ مولشەرىنە اسەر ەتەدى.

"زەينەتتى تابىس رەتىندە ەسەپتەسەك، نەگە ءومىر بويى بالالارىن سۇيرەپ جۇرگەن قارتتار ەندى نەمەرەلەرىن سۇيرەۋگە مىندەتتى بولۋى كەرەك؟" - دەدى دەپۋتات.

ەڭبەك جانە الەۋمەتتىك قورعاۋ ۆيسە-مينيسترى سۆەتلانا جاقىپوۆا: قولدانىستاعى زاڭناماعا ساي ءۇي قوجايىندارىنىڭ تابىستارى ەسەپتەلەدى. ەگەر جاقىن تۋىستارى بىرگە تۇرىپ جاتسا، ءبارىنىڭ دە تابىسى ەسەپكە الىنادى. جاقىن تۋىستارى دەپ "نەكە جانە ەرلى-زايىپتىلىق كودەكسىنە" ەنەتىن ادامداردى ايتامىز، ولار - اجەلەر، اتالار، باۋىرلار، اپكە-سىڭلىلەر، كۇيەۋى، ايەلى مەن بالالارى

ابساتيروۆ: "دەمەك، ولاردى ۇيدەن قۋۋعا ءماجبۇر ەتەسىزدەر مە؟"، - دەپ سۇرادى .

ال گۇلجان قاراعۇسوۆا بۇل ماسەلە بويىنشا ءوز پىكىرىن قوستى: "قۋىپ قايتەمىز؟ بىزگە ارنايى ءۇي سالۋ قاجەت، قارتايعاندا بالالاردىڭ ومىرىنە كەدەرگى جاساماي، سول جاققا بارامىز. بۇل قارتتار ءۇيى ەمەس. بۇل جەكە كووپەراتيۆتەر بولادى. بىرنەشە جىل ءوتسىن، تاتيانا ميحايلوۆنا (قارجى ۆيسە-مينيسترى ساۆەليەۆا - اۆت.) مەن تاتيانا يۆانوۆنامەن (ءماجىلىس دەپۋتاتى ياكوۆليەۆا - اۆت.) بىرگە سونداي ءۇي سالامىز دا، بالالارعا كەدەرگى كەلتىرمەس ءۇشىن، سول جاقتا ءوز تابىسىمىزبەن ءومىر سۇرۋگە كەتەمىز".

ۇسىنعان: فاريزا جومارت قىزى