تالانتتى ءانشى دانەليا تۋلەشوۆا ديماش قۇدايبەرگەن جايلى پىكىرىن ءبىلدىرىپ، ونىڭ ىستەگەن ارەكەتىنە قايران قالعاندىعىن ايتتى، دەپ جازادى Qamshy.kz اقپارات اگەنتتىگى.
دانەليا بۇل جايىندا ءوزىنىڭ Instagram جەلىسىندەگى پاراقشاسىندا جازدى.
«وسىمەن The world’s best شوۋى اياقتالدى. ديماشتىڭ ىسىنە قايران قالدىم، ونىڭ ادامگەرشىلىك ارەكەتىن بۇكىل الەم مويىنداپ، ءوز دەڭگەيىندە باعا بەرەدى دەپ ويلايمىن، ديماشتىڭ ءىسى – ناعىز ەرلىك! ءانشىنىڭ ومىرىندە ەڭ ماڭىزدىسى – شىعارماشىلىق ەكەنىن دالەلدەدىڭىز. ساحنا مەن تىڭدارمانعا دەگەن ماحاببات ەشبىر نارسەمەن سالىستىرۋعا كەلمەيدى ەكەن. كرەملدە بولاتىن جەكە كونسەرتىڭىزدى اسىعا كۇتەمىن. مەن ءۇشىن بۇل شوۋ ومىرىمدەگى كەزەكتى سىناق دەپ بىلەمىن. بۇل جەردە كوپ نارسەنى ۇيرەندىم جانە ءتۇسىندىم. جەڭىسكە جەتكەن كەرەمەت جاندى پيانيست @lydiannadhaswaramofficial شىن جۇرەكتەن قۇتتىقتايمىن»، - دەپ جازادى دانەليا ءوزىنىڭ جەلىدەگى پاراقشاسىندا.
ەستەرىڭىزگە سالا كەتەيىك، ديماش بالالارمەن سايىسقا تۇسكىسى كەلمەگەندىكتەن جوبادان ءوز ەركىمەن كەتتى، ال دانەليا فينالعا وتە المادى. ول What About Us ءانىن ورىندادى.
ۇسىنعان: نازەركە لابيحان
پىكىر قالدىرۋ