"مەن دارەتحانانى جۋمايمىن". اقتوبە مەديسينالىق ۋنيۆەرسيتەتىنىڭ ستۋدەنتى جوعارى وقۋ ورنىنىڭ  پروفەسسورىنا شاعىمداندى دەپ حابارلايدى Qamshy.kz اقپارات اگەنتتىگى newtimes.kz سايتىنىڭ دەرەگىن نەگىزگە الا وتىرىپ. 

الەۋمەتتىك جەلىدە اجەتحانادا  مەديسينا ستۋدەنتى مەن ۋنيۆەرسيتەت قىزمەتكەرى اراسىنداعى ۇرىس تۋرالى ۆيدەو تاراپ كەتتى. 

ۆيدەودا ستۋدەنت قىزدىڭ اجەتحانادا قولىنا قولعاپ  كيىپ، شەلەك ۇستاپ تۇر. قىزدىڭ جانىندا تاعى ءبىر ايەل بار. ەكەۋى بىر-بىرىنە داۋىس كوتەرە سويلەيدى. 

— مەن جاي عانا جاقسىلاپ جۋعىم كەلدى - دەيدى قىز.

— جۋ، جاقسىلاپ جۋ - دەپ جاۋاپ بەرەدى ايەل

— اجەتحانانى جۋمايمىن، قالاي ساسىپ تۇرعانىن كورمەي تۇرسىز با - دەيدى اشۋلانعان قىز. 

بۇدان كەيىن ولاردىڭ اڭگىمەلەرى ءتىپتى دورەكىلەنە ءتۇستى، ءبىر - بىرىنە ايقايلاي باستادى.

وسى وقيعاعا بايلانىستى ەسىمىن جاسىرىپ قالعان الەۋمەتتىك جەلى قولدانۋشىسى مارات وسپانوۆ اتىنداعى زقممتۋ پروفەسسورى جانە ستوماتولوگيا ءبولىمىنىڭ مەڭگەرۋشىسىنە: وقۋ اقىسىنا 800مىڭ تەڭگە تولەيمىز، ونىمەن قويماي اجەتحانانى دا تازالاۋىمىز كەرەك پە؟ - دەپ رەنىشىن بىلدىرگەن. 

ال، باتىس قازاقستان مەديسينا ۋنيۆەرسيتەتى ول كۇنى جوعارى وقۋ ورنىندا  سەنبىلىك بولعانىن ايتقان.

"مارات وسپانوۆ اتىنداعى زقمۋ باسشىلىعىنىڭ شەشىمىمەن ستوماتولوگيا فاكۋلتەتىنىڭ وقۋ اۋماعىن كەڭەيتۋ بويىنشا قوسىمشا ءۇش قابات جانە يميتاسيالىق ورتالىق اشىلعان بولاتىن. وسى عيماراتتاردىڭ كۇردەلى جوندەۋىنە بايلانىستى فاكۋلتەتتىڭ جانە جوعارى كۋرس ستۋدەنتتەرىنىڭ قاتىسۋىمەن ەرىكتىلەر جۇمىسىن ۇيىمداستىردىق، بۇل جاعداي سول كۇنى ورىن العان" - دەپ حابارلايدى ۋنيۆەرسيتەتتىڭ باسپا ءسوز قىزمەتى.

قازىرگى تاڭدا ۋنيۆەرسيتەتتىڭ رەكتورى ەربول بەكمۇحامبەتوۆتىڭ تاپسىرماسى بويىنشا، وقيعانىڭ بارلىق جاعدايلارىن ءتۇسىندىرۋ ءۇشىن كوميسسيا قۇرىلىپ، ونىڭ جۇمىسىنىڭ قورىتىندىسى بويىنشا ءتيىستى شارالار قابىلداناتىن  مالىمدەدى مەديسينا ۋنيۆەرسيتەتى.

اۋدارعان: فاريزا جومارت قىزى