جاڭا زەلاندياداعى مەشىتتە اتىس بولدى دەپ حابارلايدى Qamshy.kz اقپارات اگەنتتىگى شەتەلدىك باق-تىڭ دەرەگىن نەگىزگە الىپ. سۇمدىق وقيعا كرايسچەرچ قالاسىندا ورىن العان. اتىستىڭ سالدارىنان قازا تاپقانداردىڭ سانى 27-گە جەتتى.
ءقازىر قالاداعى مەكتەپتەر مەن اۋرۋحانالاردى جاۋىپ تاستادى. سونداي-اق بيلىك قالا تۇرعىندارىنا ۇيدەن شىقپاۋ كەرەكتىگىن ەسكەرتتى.
مەشىتكە شابۋىل جاساعان جىگىت ءوزىن برەنتوم تارانت دەپ تانىستىردى. 28 جاستاعى اۆستراليالىق ءوزىنىڭ تەراكت جاساعانىن مويىندادى.
مەشىتكە شابۋىل جاساعان قىلمىسكەر ەكەۋ بولعان. ءبىرى ءال-نۇر مەشىتىنە جاقىنداعان كەزدە ەكىنشى قىلمىسكەر تىكەلەي ەفير ارقىلى ۆيدەوعا تۇسىرگەن. ۆيدەودان مەشىتكە شابۋىل جاساعان جىگىتتىڭ كولىگىنەن قارۋ-جاراق الىپ جاتقانىن كورۋگە بولادى. كولىكتىڭ الدىڭعى جانە ارتقى ورنىندا قارۋ-جاراق كوپ ەكەنى دە بايقالادى. قارۋ-جاراقتى اسىنعان كۇيى مەشىتكە باسا كوكتەپ كىرىپ، وڭدى-سولدى وق اتا باستايدى. اراعا 3 مينۋت سالىپ قىلمىسكەر مەشىتتەن شىعادى دا، كوشەدەگى كولىك جۇرگىزۋشىلەرىنە بىرنەشە رەت وق اتادى. كەيىن بىرنەشە ءوق-دارىنى العان سوڭ مەشىتكە قايتادان كىرىپ، ءتىرى قالعانداردىڭ بار-جوعىن تەكسەرمەك بولادى. بىرنەشە رەت وق اتقان سوڭ، كولىككە ءمىنىپ، جوعارى جىلدامدىقپەن وقيعا ورنىنان قاشىپ كەتەدى.
اۋدارعان: اسەل بولات قىزى
پىكىر قالدىرۋ