قازاقستاندا جەمقورلىق جاساعانداردىڭ ءتىزىمى جاريالانۋى ءتيىس. بۇل تۋرالى Qamshy.kz اقپارات اگەنتتىگى حابارلايدى  «Transparency Kazakhstan» بىرلەستىگىنە سىلتەمە جاساي وتىرىپ.

ەلباسى ن.ءا.نازاربايەۆ  ەلىمىزدەگى  جەمقورلىقتى بولدىرماۋ مەن ونىڭ الدىن الۋ، جەمقورلارمەن جالپى جۇرتشىلىق بولىپ اياۋسىز كۇرەسۋ جايلى تاپسىرمالارىن  جۇزەگە   اسىرۋ   ماقساتىندا   باستاما كوتەرگەن بولاتىن. سىبايلاس   جەمقورلىق ەل ەكونوميكاسىنىڭ كوتەرىلۋىنە   ۇلكەن  كەدەرگى  كەلتىرىپ  وتىرعان قوعامىمىزدىڭ ەڭ باستى  ءقاۋىپ – قاتەرلەرىنىڭ ءبىرى بولىپ تابىلاتىندىعىن ايتقان. وسىعان سايكەس «جەمقورلىققا قارسى كۇرەس» ماسەلەلەرىمەن اينالىساتىن بىرلەستىك مۇشەلەرى قازاقستان پرەزيدەنتىنە جەمقورلاردىڭ اشىق ءتىزىمىن جاساۋدى ۇسىنىپ وتىر. «Transparency Kazakhstan» قوعامدىق قورى: «قازىرگى ۋاقىتتا پرەزيدەنت اكىمشىلىگى ۇسىنىستىڭ تەحنيكالىق ماسەلەلەرىن قاراستىرىپ جاتىر»، – دەپ مالىمدەدى. بىرلەستىكتىڭ ويىنشا، «جەمقورلار» تىزىمگە ەنگەن قىزمەتكەرلەر ەكىنشى مارتە پاراقورلىققا بارمايدى.

اتالعان ۇسىنىستان بولەك، مەملەكەتتىك قىزمەت ىستەرى اگەنتتىگى قازاقستاندا پارا الىپ سوتتالعانداردىڭ ءتىزىمىن جاسايتىنىن ايتقان. اگەنتتىك قوعام مۇشەلەرىنىڭ ۇسىنىسىن ماقۇل كورىپ، ازاماتتار تاراپىنان دا باقىلاۋدى كۇشەيتۋ ءۇشىن ءتىزىم جاساۋ تۋرالى ساۋال تاستادى. 

ۇسىنعان: فاريزا جومارت قىزى