بۇل تۋرالى «Nur Otan» پارتياسى ءتوراعاسىنىڭ ءبىرىنشى ورىنباسارى پارتيانىڭ ورتالىق اپپاراتىندا وتكەن جيىندا ايتتى. جيىن بارىسىندا پارتيانىڭ كەزەكتى XVIII سەزىندە قابىلدانعان جاڭا باعدارلاماسى مەن ەلباسىنىڭ بەرگەن تاپسىرمالارىن ىسكە اسىرۋ ماسەلەلەرى تالقىلانعان بولاتىن.

ءوز سوزىندە ماۋلەن اشىمبايەۆ سەزدە مەملەكەت باسشىسى انىقتاپ بەرگەن الەۋمەتتىك جوبالار تۋرالى ايتىپ، ولاردىڭ پارتيانىڭ الداعى ۋاقىتتاعى جۇمىسىنىڭ نەگىزگى باعىتى بولاتىنىن جەتكىزدى.

– بۇل باستامالاردى ۇلتتىق جوبالار دەسەك تە، ارتىق ەمەس. سەبەبى، اتالعان جوبالار از قامتىلعان، كوپ بالالى وتباسىلارعا كومەك كورسەتۋ، اۋىلدىق جەرلەردى كوركەيتۋ، وڭىرلەردى دامىتۋ سياقتى وزەكتى الەۋمەتتىك ماسەلەلەردى قامتيدى. سوندىقتان پارتيانىڭ ورتالىق، ايماقتىق جانە اۋماقتىق قۇرىلىمدارى وسى جوبالاردى ءتيىمدى جۇزەگە اسىرۋعا كۇش جۇمساۋى ءتيىس، – دەدى ماۋلەن اشىمبايەۆ.

قازىرگى تاڭدا ەلباسىنىڭ باستاماسىمەن قولعا الىنعان «باقىتتى وتباسى» جوباسى الماتى قالاسىندا ناتيجەلى جۇزەگە اسىرىلۋدا. سول ارقىلى قالادا از قامتىلعان وتباسىلارعا قولداۋ كورسەتۋ شارالارى جۇيەلى تۇردە جۇرگىزىلىپ كەلەدى. ماۋلەن اشىمبايەۆ وزگە وڭىرلەردىڭ دە وسى تاجىريبەنى ەسكەرىپ، اتالعان سالاداعى جۇمىستاردى «باقىتتى وتباسى» جوباسى اياسىندا ىسكە اسىرۋ كەرەكتىگىن ايتتى.

كەلەسى «قۇتتى مەكەن» جوباسى اياسىندا ينجەنەرلىك ينفراقۇرلىمدى دامىتۋ باعىتىنداعى يگى ىستەر جۇزەگە اسىرىلسا، «اۋىل – ەل بەسىگى» جوباسى ارقىلى اۋىلدىق جەرلەردە جۇمىس ورىندارىن اشىپ، بيزنەسكە قولايلى جاعداي جاساپ، دەنساۋلىق ساقتاۋ، ءبىلىم بەرۋ ءىسىن جەتىلدىرىپ، الەۋمەتتىك ينفراقۇرىلىمدى دامىتۋ جۇمىستارى جۇرگىزىلەدى.

تاعى ءبىر ماڭىزدى باستاما «حالىققا كومەك» جوباسى ارقىلى پارتيا قازاقستاندىقتاردىڭ كۇندەلىكتى ومىرىندەگى وزەكتى ماسەلەلەردى وڭ شەشۋگە ىقپال ەتۋدى كوزدەپ وتىر. ءقازىردىڭ وزىندە پارتيانىڭ قوعامدىق قابىلداۋ بولمەلەرى ءبىرىڭعاي الەۋمەتتىك تەرەزە جۇيەسىندە جۇمىس ىستەۋدە. جوبا اياسىندا تۇراقتى مونيتورينگ جۇرگىزىلىپ، قوعامداعى وزەكتى ماسەلەلەردىڭ وڭ شەشىلۋىنە دە جاعداي جاسالادى.

ءسوز سوڭىندا پارتيا ءتوراعاسىنىڭ ءبىرىنشى ورىنباسارى «Nur Otan»-نىڭ حالىق پەن بيلىكتى بايلانىستىراتىن التىن كوپىر بولۋ كەرەكتىگىنە كوڭىل ءبولدى.

– قازىرگى تاڭدا «Nur Otan» حالىقتىڭ مۇددەسىن قورعايتىن جانە ەلباسىنىڭ بارلىق تاپسىرمالارىنىڭ ورىندالۋ بارىسىنا باقىلاۋ جۇرگىزەتىن نەگىزگى ينستيتۋت بولىپ تابىلادى. سەزدەن كەيىن پارتيانىڭ ەل دامۋىنداعى ءرولى ودان ءارى ارتا ءتۇستى. ەلباسى بىزگە اۋقىمدى مىندەتتەر جۇكتەپ وتىر. حالىقتىڭ دا سەزدە ايتىلعان شارالاردان ۇلكەن ءۇمىت كۇتەتىنى بەلگىلى. سوندىقتان پارتيا جاڭا قارقىنمەن، ەرەكشە ەكپىنمەن جۇمىس ىستەۋى كەرەك. پارتيا ۇكىمەتپەن، بيزنەس قاۋىمداستىقپەن، ۇكىمەتتىك ەمەس ۇيىمدارمەن كۇش بىرىكتىرىپ، ەلباسى تاپسىرمالارىن ورىنداۋدا ۇيلەستىرۋشى ءرول اتقارۋى ءتيىس، – دەدى ماۋلەن اشىمبايەۆ.