تىكەلەي ەفيردە بەيبىت تۇرعىندارعا وق اتقان تەرروريست قولعا ءتۇستى، دەپ جازادى Qamshy.kz اقپارات اگەنتتىگى Mk.ru سايتىنىڭ دەرەگىنە سۇيەنىپ.

شابۋىل جاسار الدىندا برەنتون تاررانت ءوزىنىڭ الەۋمەتتىك جەلىدەگى پاراقشاسىندا قولىنداعى قارۋ مەن وق-دارىلەرىن كورسەتىپ جازبا جاريالاعان. ونىڭ قولىندا ۆينتوۆكانىڭ وق-دارىلەرى بولىپتى. ال كولىگىنىڭ الدىڭعى ورىندىعىندا تولىق ءبىر ارسەنال قارۋ بولعان. سونداي-اق، قىلمىسكەر وزىمەن بىرگە بەنزين الىپ كەلىپ، مەشىتتى ورتەۋدى جوسپارلاپتى. الايدا جاسىرىنۋعا اسىققان ول بۇل ويىن ىسكە اسىرا المادى.

ول جاياۋ جۇرگىنشىلەردى ءولتىرىپ، كەيىننەن كولىكتە كەتىپ بارا جاتقان ادامدارعا وق اتقان. قايتادان كولىگىنە كەلىپ، قارۋىن وقتاپ الىپ، قايتادان مەشىتكە كىرىپ، جاراقاتتانعان ادامداردى اتىپ ولتىرگەن. مەشىتتەن شىعىپ، جوعارى جىلدامدىقتا كولىگىن ايداپ وقيعا ورنىنان دەرەۋ ءىزىن سۋىتقان.

دەرەكتەرگە كورسەتىلگەندەي، تۇرعىندارعا وق جاۋدىرعان تەرروريست جاڭا زەلانديا ازاماتى برەنتون تاررانت ەكەن. ونىڭ ۇستىنەن دەرەۋ قىلمىستىق ءىس قوزعالىپ، 16 ناۋرىزعا سوتى بەلگىلەندى.

سوڭعى دەرەكتەرگە سايكەس، جاڭا زەلانديادا مەشىتتە قازا تاپقانداردىڭ سانى 49-عا جەتتى.

ەستەرىڭىزگە سالا كەتەيىك، بۇگىن جاڭا زەلانديانىڭ كرايسچەرچ قالاسىنداعى مەشىتتە بەلگىسىز بىرەۋ تۇرعىندارعا شابۋىل جاساپ، ءبىرشاما ادامداردى ولتىرگەن. ونىمەن قويماي، 17 مينۋتقا سوزىلعان اتىستى قىلمىسكەر تىكەلەي ەفيرگە ءتۇسىرىپ وتىرعان. كەيىننەن پوليسيانىڭ تالابى بويىنشا ول ۆيدەولار جەلىدەن ءوشىرىلىپ تاستالدى.

ايتا كەتەيىك، 28 جاستاعى برەنتون تاررانت جاڭا زەلاندياعا اۆستراليادان كوشىپ كەلىپتى. قىلمىسكەر وق اتقان قارۋدا يسلام-فوبيالىق مەن انتيميگرانتتىق جازۋلار بولعان. قارۋعا ول جازۋلار اق تۇسپەن جازىلىپتى. قاندى وقيعادان كەيىن قىلمىسكەر ءوز ءىسىن تەرراكت دەپ اتادى.

ۇسىنعان: نازەركە لابيحان