الماتى وبلىسىندا جانتۇرشىگەرلىك جول اپاتى ورىن الدى. Toyota Corolla كولىگى جولدىڭ قاراما-قارسى بەتىنە شىعىپ كەتكەن كولىكتىڭ كەسىرىنەن اۋدارىلىپ قالعان دەپ حابارلايدى Qamshy.kz اقپارات اگەنتتىگى zakon.kz سايتىنا سىلتەمە جاساي وتىرىپ. 

 Toyota Corolla جۇرگىزۋشىسىنىڭ سوزىنشە، ول ىلە تراكتىمەن پوكروۆكا اۋلىنىڭ ماڭىندا سولتۇستىك باعىتتا كەلە جاتقان. الايدا، ونىڭ الدىنان كەنەتتەن جولدىڭ قاراما-قارسى بەتىنە ءوتىپ كەتكەن كولىك شىعا كەلەدى.

 Toyota تىزگىنىندەگى بويجەتكەن سوقتىعىسۋدى بولدىرماس ءۇشىن كولىگىن جولدىڭ شەتىنە قاراي بۇرىن جىبەرگەن. ناتيجەسىندە تەمىر تۇلپار جول بەلگىسىنە سوعىلىپ، ارتىنان Audi كولىگىن سىرىپ وتە اۋدارىلىپ قالعان.

 انىقتالعانداي، بۇل ساتتە جولاۋشى ورنىندا كىشكەنتاي بالا وتىرعان. Toyota Corolla جۇرگىزۋشىسى مەن بالاقاي بىردەن اۋرۋحاناعا جەتكىزىلگەن. ابىروي بولعاندا ەكەۋىنىڭ جاراقاتى اسا اۋىر بولماعان. الايدا، ولار ءالى دە مەڭ-زەڭ كۇيىندە ەكەنى بەلگىلى بولدى.

جولدىڭ قاراما-قارسى بەتىنە شىعىپ، اپاتتى جاعداي تۋدىرعان كولىك جۇرگىزۋشىسى بىردەن وقيعا ورنىنان ءىزىن سۋىتقان.

 ۇسىنعان: فاريزا جومارت قىزى