مەملەكەت باسشىسى تاجىكستان رەسپۋبليكاسىنىڭ پرەزيدەنتى ەمومالي راحمونمەن جانە ارمەنيا پرەزيدەنتى ارمەن ساركيسيانمەن تەلەفون ارقىلى سويلەستى، دەپ حابارلايدى Qamshy.kz اقپارات اگەنتتىگى اقوردا باسپا ءسوز قىزمەتىنە سىلتەمە جاساپ. 

اڭگىمەلەسۋ بارىسىندا تاجىكستان پرەزيدەنتى ەمومالي راحمون مەن ارمەنيا پرەزيدەنتى ارمەن ساركيسيان قاسىم-جومارت توقايەۆتى قازاقستان رەسپۋبليكاسىنىڭ پرەزيدەنتى لاۋازىمىنا كىرىسۋىمەن قۇتتىقتاپ، جوعارى مەملەكەتتىك قىزمەتىنە تابىس تىلەدى.

قاسىم-جومارت توقايەۆ قۇتتىقتاعانى ءۇشىن ەكى ەل باسشىلارىنا ريزاشىلىق ايتىپ، قازاقستان مەن تاجىكستاننىڭ، ارمەنيانىڭ ءوزارا ىقپالداستىعى ودان ءارى قارقىندى دامي تۇسەتىنىنە سەنىم ءبىلدىرىپ، ءوزارا ءتيىمدى ىنتىماقتاستىقتى دامىتۋداعى ساياسي باعىتى وزگەرمەيتىنىن ايتتى.

تاراپتار قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازاربايەۆتىڭ قازاقستان مەن ارمەنيانىڭ جانە ءتاجىستاننىڭ اراسىنداعى قارىم-قاتىناستاردى قالىپتاستىرۋداعى ايرىقشا ءرولىن اتاپ ءوتتى.

سونداي-اق، ەكى ەل كوشباسشىلارى ءبىر-بىرىن ناۋرىز مەيرامىمەن قۇتتىقتادى.

تەلەفون ارقىلى سويلەسۋگە تاجىكستان مەن ارمەنيا جاعى باستاماشى بولدى.

ۇسىنعان: ماقپال سەمباي