جاستار جىلىنىڭ سالتاناتتى اشىلۋ راسىمىندە ايشولپان نۇرعايىپ قىزى نۇر-سۇلتان مەن باسقا قالالاردا بۇركىتشىلەر مەكتەبىنىڭ اشىلعانىن ارماندايتىنىن ايتقان ەدى، دەپ جازادى Qamshy.kz اقپارات اگەنتتىگى  Sputnik قازاقستان سايتىنىڭ دەرەگىنە سۇيەنىپ.

اقپارات جانە قوعامدىق دامۋ مينيسترلىگى جاستار جىلى اياسىندا رەسپۋبليكا وڭىرلەرىندە بۇركىتشىلەر ورتالىعىن اشۋدى جوسپارلاپ وتىر.

"ەلىمىزدىڭ ايماقتارىندا بۇركىتشىلەر ورتالىعىن اشۋعا بايلانىستى شارالار قابىلدانادى. اسقار ۇزاقباي ۇلى (پرەمەر-مينيستر – Sputnik)، ەسىڭىزدە بولار، جاستار جىلىنىڭ سالتاناتتى اشىلۋ راسىمىندە قازاقتىڭ اتىن الەمگە تانىتىپ جۇرگەن ايشولپان ەسىمدى بۇركىتشى قىز ورتالىق اشۋدى ۇسىنعان ەدى"، - دەدى اقپارات جانە قوعامدىق دامۋ ءمينيسترى داۋرەن ابايەۆ جاستار جىلىن وتكىزۋ جونىندەگى جول كارتاسى قارالعان ۇكىمەت وتىرىسىندا.

ونىڭ ايتۋىنشا، ۆەدومستۆو جاتتىعۋ ورتالىقتارىن اشىپ، ءتۇرلى دەڭگەيدەگى جارىستار وتكىزىپ قانا قويماي، مادەنيەت جانە سپورت مينيسترلىگىمەن بىرلەسىپ جۇمىس جۇرگىزۋدى جوسپارلاپ وتىر.

"وسىلايشا، ۇلتىمىزدىڭ كونە ونەرىن قازاقستانداعى ەتنوتۋريزمنىڭ ماڭىزدى ءارى اجىراماس بولشەگىنە اينالدىرۋ كوزدەلىپ وتىر"، - دەدى مينيستر. 
ەسكە سالا كەتسەك، بيىل قاڭتار ايىندا قازاقستاننىڭ تۇڭعىش پرەزيدەنتى – ەلباسى نۇرسۇلتان نازاربايەۆ جاستارمەن كەزدەسىپ، ولاردىڭ ۇسىنىس-تىلەكتەرىن تىڭداعان بولاتىن.

سول كەزدە موڭعوليادان كەلگەن بۇركىتشى قىز ايشولپان نۇرعايىپ قىزى نازاربايەۆقا ءوز ارمانى تۋرالى ايتقان ەدى.

"استانادا جانە باسقا قالالاردا قازاقتىڭ ءسالت-داستۇرىن وقىپ ۇيرەتەتىن ورتالىقتار، اسىرەسە، سونىڭ ىشىندە بۇركىتشىلەر مەكتەبى اشىلسا دەگەن ارمانىم بار"، — دەگەن بولاتىن بۇركىتشى قىز.

سونىمەن قاتار، ول ەلباسىنى موڭعولياعا قوناققا شاقىرعان ەدى.

ۇسىنعان: نازەركە لابيحان