«قازمۇنايگاز» ۇك اق (بۇدان ءارى - قمگ) قالامقاس كەن ورنىنىڭ ۇڭعىماسىندا بولعان جاعداي تۋرالى ءتۇسىندىردى دەپ حابارلايدى Qamshy.kz اقپارات اگەنتتىگى  «قازمۇنايگاز» ۇك اق باسپا ءسوز قىزمەتىنە سىلتەمە جاساي وتىرىپ.

2019 جىلعى 13 ناۋرىزدا «ماڭعىستاۋمۇنايگاز» اق-عا قاراستى قالامقاس كەن ورنىنىڭ كۇردەلى ۋچاسكەسىندە ۇڭعىمانىڭ قۇرىلىسى بارىسىندا كەن ورنىنىڭ ورتالىق بولىگىنە ءتان تەحنوگەندىك سيپاتتاعى گاز-سۋ ارالاس تابيعي بۇرقاعى شىققان. ناۋرىزدىڭ 13-24 كۇندەرى ماماندار كۇردەلەندىرىلگەن بۇرعىلاۋ ەرىتىندىسىمەن ۇڭعىمانى جۋۋ جونىندەگى جۇمىستاردى، سونداي-اق گريفونداردى جويۋ ءۇشىن جوندەۋ-وقشاۋلاۋ جۇمىستارىن جۇرگىزدى.

2019 جىلعى 25 ناۋرىزدا ساعات 05:46-دا 8232 ۇڭعىمانىڭ اۋماعىندا 16 ناۋرىزدا جەر بەتىنە شىققان گاز-سۋ قوسپاسىنىڭ وشاعى جانا باستادى. «سەمسەر – ءورت ءسوندىرۋشى» ج ش س جاۋىنگەرلىك توبىنىڭ شاقىرىلعان ورىنعا كەلۋ ۋاقىتى 05 ساعات 58 مينۋت. قۇربان بولعان جانە زارداپ شەككەندەر جوق.

2019 جىلعى 25 ناۋرىزدا ساعات 14:30-عا قاراي ءورتتى اۋىزدىقتاۋ ءۇشىن قوسىمشا اقتاۋ قالاسىنىڭ ءموقق 6 ءورت ءسوندىرۋ توبى كەلىپ جەتتى: 4 اۆتوسيستەرنا، 1 جىلجىمالى سورعى ستانساسى، 1 گاز-سۋ ءسوندىرۋشى اۆتوموبيل.

قازىرگى ۋاقىتتا ءورت شىققان جەردە ماڭعىستاۋ وبلىسىنىڭ تجد، «سەمسەر – ءورت ءسوندىرۋشى» ج ش س جانە «فاير پروتەكشن لتد» ج ش س جەكە قۇرامىنىڭ 53 ادامى جانە ءورت ءسوندىرۋ تەحنيكاسىنىڭ 12 بىرلىگى جۇمىلدىرىلعان.

ءورتتى ءسوندىرۋ بارىسىندا جانعان جەردى تاسىمالداناتىن لافەتتىك وقپاندارمەن ءسوندىرۋ ءۇشىن بىرنەشە رەت تالپىنىستار جاسالدى، الايدا ءورت وشاعىنا كىرمە جولداردىڭ جوقتىعىنا بايلانىستى ءورتتى اۋىزدىقتاۋ مۇمكىن بولمادى.

وپەراتيۆتى ءورت ءسوندىرۋ شتابىن ماڭعىستاۋ وبلىسى تجد باستىعى ق.ب.بازاربايەۆ باسقارۋدا. شتاب قۇرامىنا «ماڭعىستاۋمۇنايگاز» اق باس ديرەكتورىنىڭ ءبىرىنشى ورىنباسارى ب.ا. يمانبايەۆ، قم يندۋستريالىق دامۋ جانە ونەركاسىپتىك قاۋىپسىزدىك كوميتەتى دەپارتامەنتىنىڭ باسشىسى س.ك.قازاقبايەۆ، كااقق روش ماڭعىستاۋ فيليالىنىڭ (بۇرقاققا قارسى قىزمەت)، «سيبۋ» ج ش س وكىلدەرى جانە باسقالار كىردى.

ۇسىنعان: فاريزا جومارت قىزى