اقپارات جانە قوعامدىق دامۋ ءمينيسترى داۋرەن ابايەۆ قازاقستاندىقتار استانانى نۇر-سۇلتان دەپ وزگەرتۋدى قالاي قابىلداعانىن ايتتى، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنىڭ دەرەگىن نەگىزگە الىپ.
"قازاقستاندىقتاردىڭ رەاكسياسىن باقىلادىم. استانا اتاۋىن وزگەرتۋ ايتارلىقتاي پىكىرتالاس تۋعىزعانىن مويىنداۋ كەرەك، سونىڭ ىشىندە تەرىس پىكىرلەر دە بولدى"، - دەدى ابايەۆ ۇكىمەت دالىزىندە.
مينيستر ەلوردانىڭ جاڭا اتاۋىنا ۇيرەنۋ ءۇشىن قازاقستاندىقتارعا ۋاقىت قاجەت ەكەنىن ايتتى.
"بارلىق پروسەسس ءۇشىن بەلگىلى ءبىر ۋاقىت قاجەت. ەستەرىڭىزدە بولسا، اقمولانى استانا دەپ وزگەرتكەن كەزدە، ءتۇرلى پىكىر ايتىلعان ەدى. ۋاقىت وتكەننەن كەيىن، استانا برەندىن ءبارىمىز دە جاقسى كورىپ كەتتىك"، - دەدى ۆەدومستۆو باسشىسى.
ەسكە سالا كەتسەك، قازاقستان پرەزيدەنتى قاسىم-جومارت توقايەۆ استانا اتاۋىن نۇر-سۇلتان دەپ وزگەرتۋ تۋرالى جارلىققا قول قويدى.
ۇسىنعان: اسەل بولات قىزى
پىكىر قالدىرۋ