باسپا ءسوز جيىنىندا فۋتبولدان رەسەي قۇراماسىنىڭ باس باپكەرى ستانيسلاۆ چەرچەسوۆكە قازاق تىلىندە سۇراق قويعان قازاق جۋرناليست، باپكەردىڭ سۇراقتى اۋدارماسىز-اق ءتۇسىنىپ قويعانىن جەتكىزدى دەپ حابارلايدى Qamshy.kz اقپارات اگەنتتىگى Zakon.kz سايتىنا سىلتەمە جاساي وتىرىپ.

بۇل تۋرالى الەۋمەتتىك جەلىدە سپورت ءجۋرناليسى نۇرعازى ساسايەۆ جازادى:

"رەسەي قۇراماسىنىڭ باس باپكەرى چەرچەسوۆ مىرزاعا "ستانيسلاۆ سالام ۇلى" دەپ باستاپ، قازاق تىلىندە سۇراق قويىپ ەدىم، "ورىسشاعا اۋدارۋدىڭ قاجەتى جوق، مەن ءبارىن ءتۇسىندىم" — دەدى... ءبارى تاڭ-تاماشا بولدى. رەسەي قۇراماسىنىڭ باسپا ءسوز حاتشىسى "رەسەيلىك جۋرناليستەر ءۇشىن اۋدارسىن" دەپ كۇمىلجىدى.

باسپا ءسوز جيىنى بىتكەن سوڭ رەسەيدىڭ كەيبىر جۋرناليستەرى كەلىپ، سۇراپ جاتىر: "سىزدەر بۇرىن قازاقشا سويلەسىپ پە ەدىڭىزدەر؟"، "چەرچەسوۆ قازاقشانى جاقسى بىلە مە؟"، تاعىسىن تاعى...

"ءاي، اينالايىندار، ونى جۇزبە-جۇز كورىپ تۇرعانىم وسى، كاۆكازداعى قاراشاي، بالكار، نوعايلاردىڭ تىلدەرى بىزگە ۇقساس قوي. چەرچەسوۆ – وسەتين. بالكىم، ولاردىڭ دا ءتىلى ۇقساس بولار. قازاقشانى قايدان بىلەتىنى ماعان بەيمالىم..."، دەپ قۇتىلدىم.

"ول ءسىزدى ءتۇسىندىم"،- دەدى عوي دەپ، قويمايدى. قىسقاسى، رەسەيگە چەرچەسوۆتىڭ ءبىر قىرىن اشىپ بەردىك. قازاقشا تۇسىنەدى ەكەن"، – دەيدى پاراقشاسىندا نۇرعازى ساسايەۆ.

ۇسىنعان: فاريزا جومارت قىزى