ەلوردادا 9 جاسار قىز پەدوفيلدىڭ قۇربانىنا اينالدى. وقيعا تاپا-تال تۇستە وقۋشىنىڭ ءوز ۇيىندە بولىپتى. قاسكۇنەم ساباقتان شىققان ءجاسوسپىرىمنىڭ ىزىنە ءتۇسىپ، پاتەرىنە دەيىن اڭدىپ بارعان.  ول ارام ويىن جۇزەگە اسىرۋ ءۇشىن ءتۇرلى قيتۇرقى ارەكەتتەرگە جۇگىنىپتى. قارشاداي قىزعا ايۋاندىق جاساعان ادامعا سوت قانداي جازا كەستى؟ جالپى قىلمىس قالاي جاسالعان؟ بۇل تۋرالى Qamshy.kz اقپارات اگەنتتىگى ەۋرازيا ءبىرىنشى ارناسىنىڭ دەرەگىنە سۇيەنىپ حابارلايدى.

قارشاداي قىزدى زورلادى دەپ ايىپتالعان ەر ادام 52 جاستا. وتباسىلى ءارى ورتا كاسىبي ءبىلىم العان. سوتتالعانعا دەيىن كران جۇرگىزۋشىسى بولىپ جۇمىس ىستەپتى. 2006 جىلى ءدال وسىنداي قىلمىس جاساپ، تۇرمەگە تۇسكەن ەكەن. 2018 جىلدىڭ كۇزىندە جازاسىن وتەپ شىققان ول، ەكى اي وتپەي جاتىپ بۇرىنعى ادەتىنە قايتا باسقان. اڭدىپ ءجۇرىپ، مەكتەپ وقۋشىسىن زورلاعان. قىلمىسى تولىق دالەدەنگەن سوت ونى 17 جىلعا باس بوستاندىعىنان ايىردى. 

«سوت قازاقاستان رەسپۋبليكاسى قىلمىستىق كودەكسىنىڭ باپتارىنا سۇيەنە وتىرىپ ۇكىم شىعاردى. نۇرماعانبەتوۆ قايرات احمەتجان ۇلى ق ر قىلمىستىق كودەكسىنىڭ  121 بابىنىڭ 4-تارماعى بويىنشا قىلمىس جاساعانى ءۇشىن ايىپتى دەپ تابىلسىن. وعان 17 جىل باس بوستاندىعىنان ايىرۋ جازاسى تاعايىندالسىن!» - دەيدى قالالىق قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى قاجىمۇقان مەكەمتاس.

سۋديا اتاپ وتكەندەي، قاسكوي شالا ماس كۇيدە قىزدىڭ سوڭىنان ۇيىنە دەيىن ەرىپ بارعان. ەسىك اشىلعان سوڭ، ىشكە بىرگە ەنىپ 9-قاباتقا كوتەرىلگەن. ۇيدە كىم بار ەكەنىن ءبىلۋ ءۇشىن، قوڭىراۋدى باسقان. ەسىك اشقان قىزدىڭ اناسىن كورگەن ول، پاتەردى شاتاستىرىپ العانىن ايتىپ، 8-قاباتقا تۇسكەن. ايەل جۇمىسقا كەتكەن سوڭ، ەسىكتى قايتا قاعىر،  جەتكىنشەككە ءوزىن سانتەحنيكپىن، قۇبىرلاردى جوندەۋ كەرەكپىن دەپ ايتقان. وسىلاي پاتەرگە كىرگەن ول، ارام ويىن جۇزەگە اسىرىپ، تايپى تۇرعان. كىناسى تولىق دالەدەنسە دە، الايدا، سوتتا كىناسىن مويىندامايتىنىن ايتتى. 

«مەن ءبارىن مۇقيات تىڭدادىم. ءبىراق، ۇكىممەن كەلىسپەيمىن. وتكەن سوتتا ماعان تاعىلعان ايىپتاردى مويىندامايتىنىمدى ايتقانمىن. كوپتەگەن دالەلدەر ۇيلەسپەيدى. وسى جولى ءادىل شەشىمگە ۇمىتتەنگەن ەدىم».

ال، جابىرلەنۋشى تاراپتىڭ ادۆوكاتىنىڭ ايتۋىنشا، قىلمىسكەردىڭ قۇربانى بولعان قىز جاقىن تبولعاندىقتان ۇيىنەن مەكتەپك ەجايان بارىپ جۇرگەن. قازىرگى تاڭدا جاعدايى تۇراقتى بولعانمەن، قاتتى شوشىپ قالعان. "سوندىقتان، پسيحولوگتاردىڭ كومەگىنە ءالى دە مۇقتاج" دەيدى قورعاۋشىسى. 

"قازىرگى تاڭدا ءجاسوسپىرىم مەكتەپكە بارىپ، ساباعىن وقىپ ءجۇر. ءبىراق، پسيحولوگيچەسكيي ارينە زارداپ كەلدى وعان. ويتكەنى، ەندى جاسى كەلگەن ادام وسىنداي سەكسۋالدىق ىس-ارەكەت جاساعاننان كەيىن ليۋبوي ادامنىڭ ول ميىندا قالىپ كەتەتىن نارسە»، دەپ ايتتى جابىرلەنۋشىنىڭ ادۆوكاتى نۇرلان پەرنەبەكوۆ.

"بۇل جولى سوت ۇكىمى تەك 17 جىلعا تۇرمەگە قاماۋمەن عانا شەكتەلدى. قىلمىسكەرگە حيميالىق كاستراسيا جاساۋ تۋرالى ۇكىم شىققان جوق. سەبەبى، سوت ەكسپەرتتەرى ساراپتامالارىنان سوڭ سوتتالۋشىنىڭ كاستراسياعا قارسى كورسەتكىشتەرى بار ەكەنى انىقتالعان".

«ەكسپەرتتەر جاڭاعى وزدەرى سويلەسەدى اناليز، بەسەدا ىستەيدى. سونىڭ ءبارىن ىستەپ، بۇدان كەيىن ول قىلمىس تاعى دا ىستەي مە، ىستەمەي مە دەگەن سياقتى ولاردىڭ پسيحولوگيچەسكيي سيستەماسىن انىقتاپ، سونداي شەشىمگە كەلدى. حيميالىق كاستراسيا قولدانۋعا بولمايدى دەپ. بۇنداي ادامعا حيميالىق كاستراسيا قولدانۋ كەرەك ەدى»،  - دەدى جابىرلەنۋشىنىڭ ادۆوكاتى نۇرلان پەرنەبەكوۆ.

حيميالىق كاستراسيا دەمەكشى، ەلىمىزدە كامەلەتكە تولماعاندارعا ازعىندىق جاساعان 88 پەدوفيلدى ءپىشتىرۋ ءۇشىن بيىل بيۋدجەتتەن قارجى ءبولىنىپتى. بۇل جايلى دەنساۋلىق ساقتاۋ مينيسترلىگى حابارلادى. ال، بىلتىر سوت شەشىمىمەن ەكى سوتتالۋشىعا كاستراسيا تاعايىندالعان ءبىراق، ءالى ەشقايسىنى جاسالماپتى. قىلمىسكەرلەر جامبىل جانە پاۆلودار وبلىسىتارىنداعى تۇرمەلەردە جازاسىن وتەپ جاتىر ەكەن. 

ۇسىنعان: نازەركە لابيحان