قىزىلوردا وبلىسىندا مي-8 تىكۇشاعىنىڭ اپاتقا ۇشىراۋىنا بايلانىستى قىلمىستىق ءىس قوزعالىپ، باس پروكۋروردىڭ باقىلاۋىنا الىندى، دەپ حابارلايدى Qamshy.kz اقپارات اگەنتتىگى.

بۇل جايىندا بۇگىن باس پروكۋروردىڭ ورىنباسارى اندرەي لۋكين مالىمدەدى.

«باس اسكەري پروكۋراتۋرا قىلمىستىق ءىستى ءجىتى قاداعالايتىن بولادى، بۇل ىسكە قاتىستى تەكسەرۋ جۇمىستارى جۇرگىزىلىپ، بارلىق پروسەسس ق ر باس پروكۋراتۋراسىنىڭ نازارىندا بولماق»، - دەپ ايتتى لۋكين.

ونىڭ مالىمدەۋىنشە، قىلمىستىق ءىس «ۇشۋ ەرەجەلەرىن بۇزۋ» بابى بويىنشا قوزعالدى.

ەستەرىڭىزگە سالا كەتەيىك، كەشە ساعات 17:30 شاماسىندا اقتاۋدان شىمكەنت قالاسىنا باعىت العان مي-8 اسكەري تىكۇشاعى قىزىلوردا وبلىسىنىڭ جالاعاش اۋدانىندا اپاتقا ۇشىراپ، ورتەنىپ كەتكەن بولاتىن. تىكۇشاق بورتىندا ەكيپاج مۇشەلەرىن قوسقاندا 13 ادام بولعان، ءبارى دە وقيعا ورنىندا وپات بولدى.

ۇسىنعان: نازەركە لابيحان