ديماش "نە؟ قايدا؟ قاشان؟" اتتى باعدارلامادا جانە نتۆ تەلەارناسىنىڭ تىكەلەي ەفيرىندە الەمگە تانىمال "Mademoiselle Hyde" ءانىن ورىندادى دەپ جازادى Qamshy.kz اقپارات اگەنتتىگى. اتالمىش ءاندى ون جىلدان بەرى الەمگە ايگىلى ءانشى لارا فابيان ايتاتىن. ەندى بىرنەشە جىلدىق تاريحى بار Mademoiselle Hyde ءانىن ديماش ءوز دەڭگەيىندە ورىنداپ شىقتى. ديماشتىڭ بۇل ءانى دە رەسەيلىكتەردى ءتانتى ەتپەي قويمادى. 

اتالمىش ءاننىڭ ءسوزىن لارا فابيان، ءانىن يگور كرۋتوي جازعان. ءتىپتى يگور كرۋتوي ديماش ارقىلى شابىتتاناتىنىن ايتتى. 

"مەن ديماش سەكىلدى ءانشى تالاي جىلدان بەرى كۇتىپ ءجۇرمىن. مەن ەندى ەرەكشە شابىتپەن ءان شىعاراتىن بولامىن. الداعى ۋاقىتتا ديماشتىڭ جانە مەنىڭ دەڭگەيىمدەگى كەرەمەت تۋىندىنى جارىققا شىعاراتىنىمىزعا سەنەمىز"، - دەيدى يگور كرۋتوي. 

ديماشتىڭ ءانىن ەستىگەن لارا فابيان "ديماش - وزگە عالامنىڭ بالاسى"، - دەپ پىكىر ءبىلدىردى. 

ال ديماشتىڭ جانكۇيەرلەرى ءانشىنىڭ اكتەرلىق شەبەرلىگىن جوعارى باعالاۋدا. 

"نە دەگەن اكتەرلىق شەبەرلىك! پەرىشتە مەن شايتاننىڭ بەينەسىن كورسەتتى. باستاپقى كەزدە سۇر جىلانداي كوزقاراس پەن پەرىشتەنىڭ كۇلكىسى، ال ءاننىڭ سوڭىندا شايتاننىڭ كوزقاراسىن كورسەتە ءبىلدى!" دەپ جازدى جانكۇيەرلەردىڭ ءبىرى. 

"جەر بەتىندەگى ەشقانداي شەكتەۋسىز، ەمىن-ەركىن، ءوز قالاۋىنشا ءان ايتا الاتىن جالعىز ديماش شىعار" دەپ جازدى اندرەي ستالبوۆوي. 

ءيا، ديماش بارلىق قىرىنان تالانتتى. 4 مينۋتتىڭ ىشىندە پەرىشتە دە، ءازازىل دە بولۋ تەك ديماشتىڭ قولىنان كەلەدى. ونىڭ اكتەرلىق شەبەرلىگى بۇكىل الەمدى تاڭعالدىرۋدا. ءبىر ءاندى ورىنداۋ بارىسىندا قالايشا 360 گرادۋسقا وزگەرۋگە بولادى. بۇل عاجايىپتى تەك ديماش جاساي الادى.