اقش-تىڭ تامپا قالاسىندا قازاقستاندىق بوكسشى بابىرجان مومىنوۆتىڭ (10-0، 8 كو) چەمپيوندىق بەلبەۋى تانىستىرىلدى دەپ حابارلايدى Qamshy.kz اقپارات اگەنتتىگى Sports.kz.
سايتىنا سىلتەمە جاساپ. 

ۇلتتىق بوكس قاۋىمداستىعىنىڭ پرەزيدەنتى (NBA) دەيمون گونسالەس ۇيىمنىڭ شتاب-پاتەرىندە مومىنوۆقا ورتا سالماقتاعى NBA Intercontinental چەمپيونى بەلبەۋىن تاپسىردى. بۇل بەلبەۋدى بابىرجان وتكەن جىلدىڭ قىركۇيەگىندە اقتوبەدە گرۋزين انزور گامگەبەليدى (31-28-3، 16 كو) ەكىنشى راۋندتا نوكاۋتقا ءتۇسىرىپ، جەڭىپ العان ەدى. دەگەنمەن بەلبەۋ يەسىنە ەندى عانا تابىستالىپ وتىر.

ەستەرىڭىزگە سالا كەتەيىك، 23 ناۋرىزدا اقش-تىڭ كوستا-مەسا قالاسىندا مومىنوۆ امەريكالىق دجوناتان ءستيلدى (9-3-1، 6 كو) التى راۋندتىڭ قورىتىندىسى بويىنشا تورەشىلەر شەشىمىمەن ۇتقان بولاتىن، الايدا بۇل تيتۋلدىق جەكپە-جەك بولمادى. 

ۇسىنعان: ماقپال سەمباي