«ەير-استانا» كومپانياسىنىڭ وكىلىنەن «نۇر-سۇلتان-الماتى» رەيسىنىڭ ۇشاق بورتىندا ءتارتىپ بۇزعان ەر ادام تۋرالى حابارلاما تۇسكەن. «نۇر-سۇلتان-الماتى» رەيسىندە شۋ شىعارعان قىتايلىق ازامات ۇشاقتان ءتۇسىرىلدى. بۇل تۋرالى كولىكتەگى پوليسيا دەپارتامەنتىنىڭ باسپا ءسوز قىزمەتىنەن ءمالىم ەتتى، دەپ حابارلايدى Qamshy.kz اقپارات اگەنتتىگى.

انىقتالعانداي، ەلوردا اۋەجايىندا ورنالاسقان جەلىلىك پوليسيا بولىمشەسىنە «ەير-استانا» كومپانياسىنىڭ وكىلىنەن «نۇر-سۇلتان-الماتى» رەيسىنىڭ ۇشاق بورتىندا ءتارتىپ بۇزعان ەر ادام تۋرالى حابارلاما تۇسكەن.

«كولىك پوليسياسى تەكسەرۋ بارىسىندا جۇڭگو حالىق رەسپۋبليكاسىنىڭ 40 جاستاعى ازاماتىن انىقتادى. ەر ادام ماس كۇيىندە ءوزىن دورەكى ۇستاپ، بورتسەرىكتەردىڭ ەسكەرتۋىنە قۇلاق اسپاعان. جولاۋشىلاردىڭ مازاسىن العان. ءمان-جايدى انىقتاۋ ءۇشىن جولاۋشى رەيستەن ءتۇسىرىلدى»، - دەلىنگەن اقپاراتتا.

قۇقىقبۇزۋشىنىڭ ۇستىنەن ق ر اكىمشىلىك قۇقىقبۇزۋشىلىق تۋرالى كودەكسىنىڭ 440-بابى بويىنشا  اكىمشىلىك  حاتتاما تولتىرىلىپ، 5 ايلىق ەسەپتىك كورسەتكىش (12625 تەڭگە) كولەمىندە ايىپپۇل سالىندى. 

ۇسىنعان: ماقپال سەمباي