قازاق قىزدارىنىڭ سۇلۋلىعىنا تاڭدانعان جۇڭگو جانە ءۇندى تۋريستەرى «ميسس قازاقستان» سۇلۋلىق بايقاۋىنا 73 ميلليون تەڭگە كولەمىندە اقشالاي قاراجات تولەمەك. مادەنيەت جانە سپورت ۆيسە-مينيسترى ەرلان قوجاعاپانوۆ تۋريستىك بيزنەستىڭ ەلىمىزگە اكەلەتىن تيىمدىلىگى تۋرالى مالىمدەدى دەپ حابارلايدى Qamshy.kz اقپارات اگەنتتىگى zakon.kz سايتىنا سىلتەمە جاساي وتىرىپ.
"ءبىز تۋريستىك بيزنەستە ماڭىزدى كەزدەسۋ وتكىزدىك، سوعان وراي بۇگىنگى كۇنى كوپتەگەن جۇڭگو جانە ءۇندى تۋريستەرى وسى بايقاۋدى اسىعا كۇتۋدە، ولار ۇنەمى جاڭالىقتاردان، ينتەرنەت جەلىلەرى ارقىلى ءبىزدى باقىلاپ وتىرادى جانە ەلىمىزگە كەلۋگە اسىق. بۇدان بۇرىن "ميسس نۇر-سۇلتان" (بۇرىنعى اتاۋى "ميسس استانا") بايقاۋىن ۇيىمداستىرعاندا 400 قىتايلار مەن ۇندىستەر بايقاۋدى تاماشالاۋعا كەلگەن"،- دەيدى كوجاعاپانوۆ.
"قازىرگى ۋاقىتقا سايكەس "KazakhTourism" ۇلتتىق كومپانياسىن قۇرۋ دۇرىس دەپ ەسەپتەيمىن. سەبەبى ءبىزدىڭ ەلىمىزدە تۋريستىك بيزنەس امەريكا، رەسەي، ەۋروپا ەلدەرىنە قاراعاندا ارتتا قالعان. "
ۆيسە-مينيستردىڭ ايتۋىنشا مادەنيەت مينيسترلىگى «قازاقستان ارۋى» بايقاۋىن ەلىمىزدە وتكىزۋدى ۇيىمداستىرىپ جاتىر. سونداي-اق بايقاۋدىڭ قورsتىندىسى 2019 جىلدىڭ شىلدەسىندە نۇر-سۇلتان قالاسىندا وتەدى.
"بايقاۋعا قاتىسۋعا جۇمسالعان قاراجات شامامەن 73 ملن 200 مىڭ تەڭگەنى قۇرايدى، بۇل قاراجات «وسى جىلى جانە كەلەسى كەزەكتى جارىستارعا قاتىساتىن تۋريستەردىڭ ەسەبىنەن تولەنەتىن بولادى" - دەدى كوجاعاپانوۆ
"ولار ءبىزدىڭ قىزدارىمىزدىڭ سۇلۋلىعىنا تامسانۋدا جانە بۇل جاعدايدى ءبىز دۇرىس دەپ ەسەپتەيمىز"دەپ ءسوزىن قورتىندىلادى مادەنيەت جانە سپورت ۆيسە-مينيسترى.
ۇسىنعان: فاريزا جومارت قىزى
