قوستانايدى باسقارعان احمەدبەك احمەتجانوۆ "جۇيەلى تۇردە پارا الدى" دەپ ايىپتالىپ، سوتپەن كىنالى دەپ تانىلعان ەدى. قاتاڭ تارتىپتەگى كولونياعا دا قامالدى. الايدا، كەسىلگەن جازانىڭ ۇشتەن ءبىرى وتەلمەي جاتىپ، ەكس-اكىم بوستاندىققا شىقتى. بۇعان زاڭدىق تۇرعىدا تۇسىنىك تە بەرىلگەن. بۇل تۋرالى Qamshy.kz اقپارات اگەنتتىگى ەۋرازيا ءبىرىنشى ارناسىنا سىلتەمە جاساپ حابارلايدى.

2015 جىل. سول كەزدەگى قوستاناي اكىمى احمەدبەك احمەدجانوۆتىڭ بىردەن ەكى ورىنباسارى پارامەن ۇستالىپ، قولدارىنا كىسەن سالىندى. توبەمە جاي تۇسكەندەي بولدىم» دەگەن شاھار باسشىسى دا كوپ ۇزاماي تەرگەۋ يزولياتورىنان تابىلدى. كەيىن پروكۋراتۋرا اكىم قىزمەتكە كىرىسكەن 2014 جىلدان باستاپ پارا الۋمەن شۇعىلداندى دەپ ايىپ تاعادى. سوماسى ونداعان ميلليون تەڭگە. 

ال بىلتىر ءىس جوعارى سوتقا جەتتى. ونداعىلار اكىم پارانىڭ ءبىر بولىگىن ناقتى العانىنا كۇمان كەلتىردى. ونىڭ ۇستىنە امنيستيا بولا قالىپ، جازا قىسقاردى. ەكس-اكىم 67،5 ملن تەڭگە كولەمىندە شىعىندى وتەيدى. سوڭىندا جازا 4 جىل 10 ايعا دەيىن قىسقارعان. شارتتى تۇردە بوستاندىققا شىعارۋ تۋرالى ءوتىنىش تە قولداۋ تاۋىپ، ءبىرىنشى ءساۋىر كۇنى تۇرمەدەن شىعادى.

اۋىل شارۋاشىلىعى ءمينيسترىنىڭ ورىنباسارى لاۋازىمىندا بولعان ءمۇسلىم ومىريايەۆ تا، باستاپقىدا قاتاڭ تارتىپتەگى كولونياعا قامالعان ەدى. ايىپ مالعا ارنالعان ۆاكسينانى الۋعا بولىنگەن قارجىنىڭ تالان-تاراجعا سالىنۋى دەرەگى بويىنشا تاعىلعان. 7 ملن تەڭگە مەن 100 مىڭ دوللارلىق پارا بولعانى ايتىلدى. الايدا ەكى جىلدان سوڭ جوعارى سوت ءمۇسلىم ومىريايەۆقا تاعىلعان ايىپتى وزگە باپقا اۋىستىرىپ، جازانى 4 جىلعا دەيىن قىسقارتتى. 2016 جىلدىڭ جەلتوقسانىندا بوستاندىقتان ايىرۋ جازاسى، بوستاندىقتى شەكتەۋگە الماستى. ەكس-ۆيسە-مينيستر وزىنە تاعىلعان ايىپتى مويىنداماي، پارا ەمەس، قارىزعا اقشا العانمىن دەگەن ەدى.

2014-تە ەلدى ەلەڭ ەتكىزگەن وقيعا. تاريحتا تۇڭعىش رەت پرەمەر-مينيسترگە ايىپ تاعىلدى. ءۇيقاماققا الىندى. كاسىپكەرلىكپەن زاڭسىز شۇعىلدانۋ، قىزمەتتىك بابىن اسىرا پايدالانۋ، سەنىپ تاپسىرىلعان مۇلىكتى تالان-تاراجعا سالۋ دەرەكتەرى بويىنشا ەكس-پرەمەر كىنالى دەپ تانىلىپ، 10 جىلعا باس بوستاندىعىنان ايىرىلدى. كەيىن جازا ەكى، سوسىن ءبىر جارىم جىلعا قىسقارتىلدى. سەرىك احمەتوۆ 2 ملرد تەڭگە شىعىندى وتەپ، جازاسىن جەڭىلدەتۋگە مۇمكىندىك الدى.

«...راحمەت سىزگە!  دەنساۋلىعىڭىز قالاي، اعا؟  دەنساۋلىعىم جاقسى، راحمەت!» - دەدى سەرىك احمەتوۆ.

جازاسى ۋاقىت وتە جەڭىلدەگەن شەنەۋنىكتەردىڭ قاتارى مۇنىمەن شەكتەلمەيدى. دەپۋتاتتار جەمقورلىق ارەكەتكە قاتاڭ جازا جاۋاپ بولۋى ءتيىس دەيدى. ءبىراق گۋمانيزاسياعا دا قارسى شىعۋ قيىن. سوندىقتان كەلگەن شىعىن وتەلۋىن تالاپ ەتۋ كەرەك دەگەن پايىمدا.

«مەنىڭشە، بۇل جەردە جەمقورلىق دەگەن، مەملەكەتكە قارسى، ادىلەتتىككە، ەكونوميكاعا قارسى قىلمىس. ءبىز ارينە بۇل جەردە ەڭ العاشقى تالاپ قويۋىمىز كەرەك. ۇرلاعان اقشانى قايتارۋ. سودان كەيىن عانا ولاردى اقتاۋعا، سودان كەيىن عانا بوستاندىققا شىعارۋعا بولادى دەپ سەنەمىن»، دەيدى ق ر پارلامەنتى ءماجىلىسىنىڭ دەپۋتاتى ازات پەرۋاشيەۆ.

سوت شەشىمىمەن اباقتىعا قامالماي-اق، قىلمىستىق جاۋاپتان قۇتىلعاندار دا بار. «قورعاس» حالىقارالىق ورتالىعىن باسقارعان ۆاسيليي ني ءبىر ملن دوللار پارا الىپ جاتقان جەرىندە قولعا تۇسكەن ەدى. الايدا، مىنەزدەمەسىندە ءمىن بولماي، كىنانى تولىق مويىنداپ، وكىنگەنى ءۇشىن سوت وسىنداي شەشىم قابىلدادى دەپ ءتۇسىندىرىلدى. بۇل تۇسىندىرمەگە بىردەڭە الىپ-قوسۋ قيىن ەندى.

ۇسىنعان: نازەركە لابيحان