پەدياتريا جانە بالالار حيرۋرگياسى عىلىمي ورتالىعىنىڭ ماماندارى تۋا ءبىتتى ىسىكتى الۋ بويىنشا جاڭا تۋعان نارەستەگە كۇردەلى وتا جاسادى، دەپ حابارلادى «پەدياتريا جانە بالالار حيرۋرگياسى عىلىمي ورتالىعىنىڭ» باسپا ءسوز قىزمەتى Qamshy.kz اقپارات اگەنتتىگىنە.

سەگىزكوز-قۇيىمشاق تەراتوماسىنىڭ الىپ ىسىگى جاتىر ىشىندە 19 اپتالىق كەزدە انىقتالعان. سوندىقتان، ءسابي دۇنيەگە كەلە سالىسىمىن پەرزەنتحانادان پەدياتريا جانە بالالار حيرۋرگياسى عىلىمي ورتالىعىنا جەتكىزىلدى. 

3818 گر. سالماقتاعى جاڭا تۋعان نارەستەگە حيرۋرگيالىق وتا، تۋعان ۋاقىتىنان كەيىن 3 كۇنى جاسالدى. وعان دەيىن ءسابيدىڭ دەنساۋلىعىنا بايلانىستى ارنايى ەمدىك-دايىندىق قاجەت ەتىلدى. كۇردەلى وتا  3 ساعاتقا جالعاستى. ءساتتى ءوتتى. وتانى پەدياتريا ورتالىعىنىڭ بىلىكتى دارىگەرى،    حيرۋرگ-نەوناتولوگ ليتوش ءۆلاديميردىڭ جەتەكشىلىگىمەن ءوزى ءىسىنىڭ بىلگىر ماماندارىنان قۇرالعان كوماندا جاسادى.

كىشكەنتاي پاسيەنت وتادان كەيىنگى 3 كۇنى رەانيماسيا بولىمىنەن نەوناتولوگيا بولىمىنە پالاتاعا اناسىنىڭ جانىنا اۋىستىرىلدى. 

بۇل جاعدايدىڭ كۇردەلىلىگى كولەمى ۇلكەن ىسىكتىڭ جاتىر ىشىندە قارقىندى ءوسىپ، بوساندىرىپ الۋ جانە ىسىكتىڭ ءوزىن الىپ تاستاۋ كەزىندە قيىندىقتار تۋدىرۋىندا بولدى. سونداي-اق ىسىكتە تەرىنىڭ ەروزياعا ۇشىراعان جەرلەرى دە بولىپ، تىك ىشەكتى قىسىپ جانە قان تامىرلارىنان قاننىڭ جوعارى دەڭگەيدە جۇرۋىنە بايلانىستى بەلسەندى سوعۋى قاننىڭ كوپ كەتۋ تاۋەكەلىن تۋعىزدى. ىسىكتىڭ جالپى سالماعى 1028 گر. قۇرادى.

قازىرگى ۋاقىتتا نارەستەنىڭ جاعدايى تۇراقتى، اناسىمەن بىرگە پالاتادا. ءسابيدىڭ تەزىرەك ساۋىعىپ كەتۋىن تىلەيمىز!

ۇسىنعان: نازەركە لابيحان