بۇل قاراجاتتىڭ 70 پايىزى سايلاۋ وكرۋگىندە جۇمىس ىستەيتىندەردىڭ جالاقىسىنا جۇمسالماق، دەپ جازادى Qamshy.kz اقپارات اگەنتتىگى.

ق ر ورتالىق سايلاۋ كوميسسياسى كەزەكتەن تىس سايلاۋ وتكىزۋ ءۇشىن 12 ملرد تگ قاراجات سۇراعان. بۇل جايىندا قارجى ۆيسە-مينيسترى بەرىك شولپانقۇلوۆ مالىمدەدى.

«ورتالىق سايلاۋ كوميسسياسى 12 ملرد كولەمىندە قارجى سۇراتتى. ناتيجەسىن الداعى ۋاقىتتا جاريالايتىن بولامىز. مۇمكىن قاراجات كولەمى ازاياتىن شىعار، دەگەنمەن ءالى بەلگىسىز»، - دەپ ايتتى ۆيسە-مينيستر.

ونىڭ ايتۋىنشا، بولىنگەن قاراجاتتىڭ 70 پايىزى سايلاۋ وكرۋگىندە جۇمىس ىستەيتىن قىزمەتكەرلەردىڭ جالاقىسىنا جۇمسالماق.

«ەگەر بارلىعى ەسەپتەلىپ شەشىم قابىلدانسا، ەكى كۇن ىشىندە ساراپتاما جاساپ، قورىتىندى جاساۋعا دايىنبىز. وتكەن جىلى سايلاۋ 2020 جىلى وتكىزىلەتىن بولسا، وعان 8،8 ملرد تەڭگە قاراجات جۇمساۋدى جوسپارلاعانبىز. الايدا، ەڭ تومەنگى جالاقى مولشەرى ءوسىپ، كىشكەنە وزگەرىستەر بولدى»، - دەدى بەرىك شولپانقۇلوۆ.

ەستەرىڭىزگە سالا كەتەيىك، پرەزيدەنت قاسىم-جومارت توقايەۆ مالىمدەمە جاساپ، سايلاۋدىڭ 9 ماۋسىمدا وتەتىنىن ايتقان بولاتىن.

ۇسىنعان: نازەركە لابيحان